OKOK，我知我早兩個星期先同大家介紹過呢套由Nicolas Cage做主持、講緊英文粗口起源嘅Netflix資訊性節目《The History of Swear Words》，但佢最新又公佈咗一條預告，仲要一開就見到Nicolas Cage展開雙臂用力咆哮「Fxxk~~~~~~~!!!!!」，你唔覺得好值得介紹畀更多人睇到咩？

同第一條預告唔同，新預告除咗有Nicolas Cage咆哮之外，仲加咗好多節目片段落去，令大家更清楚套嘢究竟係講咩。套嘢唔單止會為大家介紹英文粗口字嘅起源、演變，亦會探討流行文化如何應用粗口，以及粗口對科學以至文化嘅影響。淨係睇條預告都已經係粗口橫飛，而且完全冇「嘟」、原汁原味呈現！相信都係集娛樂、資訊、以及Nicolas Cage於一身嘅好節目。1月5日Netflix上映。