{ SKIP }
文:MenClub 魏文青  
POSTED ON 28 Dec 2020

Tinder、Coffee Meets Bagel、甚至舊啲嘅Skout,呢啲被俗稱為「約炮App」嘅「交友應用程式」,大家就算冇親自玩過 (你咁講我咁聽啦下),相信都非常清楚佢用黎做咩、啲人會Post咩,所以大家或者認為用家喺呢啲App到Post自己嘅性感相、泳衣相、內衣相係一件非常合情合理嘅事。不過一名美國小網紅近日就被交友App「Bumble」連Del三張相,繼而發現佢有一個非常奇怪嘅條款——室內嘅內衣及泳衣原來係唔Post得。

第一次被Del嘅相

在 Instagram 查看這則貼文

Cali Rockowitz(@calirock)分享的貼文

卻說IG上有萬令Followers嘅藝術家兼網紅Cali Rockowitz有玩Bumble嘅習慣,而據《Buzzfeed》報導,今個月初Cali就於Bumble上發佈咗上面呢張、佢本人著住Bra Top長褲跪坐於地下嘅相。但據Cali回憶,佢一Post上去,Bumble就即刻將張相Del咗,佢以為自己撳錯掣所以試多幾次,但結果全部都唔成功。於是佢就Send Email去問Bumble,結果就收到一封自動回覆嘅Email,話唔可以Post「內衣照」上去。

雖然唔明白點解呢張相有問題,但當時Cali亦冇諗住去深究。直到上兩個星期佢再嘗試上傳另一張、用頭髮遮住咗上身,露出度更低嘅相,但都依然被Del。

第二次被Del嘅相

在 Instagram 查看這則貼文

Cali Rockowitz(@calirock)分享的貼文

於是Cali再去信Bumble查詢,結果今次就有員工回覆,話雖然Bumble容許用家上傳泳衣或無上裝照,但呢啲相必須要係於戶外影,室內影嘅話「太似內衣」所以唔得。而Bumble回應《BuzzFeed》查詢時亦確認相關規矩,話係2016年「聽從社群意見」及「發現呢啲相經常被滑左 (你當係Unlike啦)」後實施。「只要你係喺泳池邊、又或者海灘呢啲合理環境影嘅話,張泳衣相就可以上傳到Bumble」。

你以為件事完呢?未!事關Cali被Del兩次相之後,就將成件事Post上Instagram,結果引起廣泛關注,連Bumble人士都主動聯絡Cali跟進,但跟進嘅結果就唔係畀Cali Post返嗰兩張相,而係發現佢個Bumble中有另一張已經上傳咗幾個月嘅相,都係一張「室內影嘅泳衣照」,所以Del埋佢。即係Cali連續被Del三張相!

第三次被Del嘅相

在 Instagram 查看這則貼文

Cali Rockowitz(@calirock)分享的貼文

更好笑嘅係當Cali接受網民提議,將自己將相Key到變戶外時,Bumble竟然覆佢「張相唔係原本就係室外影,你P過黎喎」,所以再次拒絕佢上傳。

Cali向Buzz Feed指出,Bumble本身就以「容許女性作主動」為賣點,而且交友App嘅本質就係約會及親密,結果竟然容不下一張「室內泳衣照」,實在太令人失進。

資料來源:BuzzFeed

出口亜梨沙今年28歲,以水著寫真女星嚟講唔算後生,但個份輕熟女人味絕對唔輸蝕比二十出頭嘅青春少女。一舉手,一投足,都散發著誘人女人味,令人難以抗拒。 大家可能都出佢姓氏感到好奇,「出 ...
girls
【深夜】輕熟日本美人「出口亜梨沙」
15 Jan 2021
Youtube演算法真係好神奇,早幾日先睇完畫畫片,今日竟然建議我睇砌高達,或者可能兩者都係「藝術」活動啦。就算大家未砌過/唔識砌高達都唔緊要,希望你睇完以下呢個Youtube Chaneel就會理解砌模型嘅樂趣。 ...
girls
【深夜】日本砌模型Youtube Channel介紹
14 Jan 2021