出道多年嘅日本著名女星明日花綺羅即將推出首本個人電子寫真，而且與三個電子書店合共推出13個版本，有唔同封面又送即影即有、內衣、限定影片，有意入手嘅Fans就要留意下慢慢揀啦！

DMM電子書籍 限定特装版 (送片加可以抽一對一Zoom)

今次明日花與日本雜誌《Flash》合作推出電子寫真《Love Tomorrow》，內容方面就冇18禁成份，但依然有火辣內衣泳衣照同佢個靚樣。另外就係與DMM、BOOK☆WALKER、Reader Store三間電子書店合作，推出前前後後13個版本。除咗三間書店都有嘅「通常版」(1,320Yen) 之外，DMM仲有多咗20頁、封面唔同、送簽名照同明日花設計內衣嘅「限定特装版」(2,750Yen)，另外五個版本分別附送不同獨家影片 (2,200Yen)，買齊五本仲可以參加抽獎，得獎者可以同明日花本人一對一Zoom分半鐘。

BOOK☆WALKER限定版

Reader Store限定版

另一邊廂，BOOK☆WALKER一樣有五款附送影片、可以抽一對Zoom嘅「限定特装版」 (2,200Yen)，與DMM版嘅分別係買齊五本會送明日花設計內衣，同時如果抽唔到一對一Zoom嘅話就有親筆簽名即影即有。

最後一款就係Reader Store限定版，都有增頁20頁，同送多張Reader Store新會員5折卷。