《Godzilla vs. Kong》最新Trailer上線啦！經過多次延期，確定今年3月26日將會喺HBO Max上映，兩大經典怪獸金剛同哥斯拉喺香港開戰，將中環當成戰場，熟悉嘅建築物好似積木咁被佢地打爆曬！

（圖片截至：Youtube）

《Godzilla vs. Kong》今次將會延續《Godzilla: King of the Monsters》及《Kong：Skull Island》，短短2分30秒預告就充滿大量打鬥場面，見到兩隻怪獸喺航空母艦上面互毆，海上打完一輪上陸地又再打過。從預告可以見到金剛化身為世界保護者，對抗搞搞震嘅哥斯拉，而早前透露過會出現嘅識飛新物種「Warbat」都有出現。

（圖片截至：Youtube）

最令人亮眼嘅係Trailer最後部份見到金剛手持一把斧頂住哥斯拉嘅原子吐息，點解個把斧頭會頂到原子吐息同把斧頭咩來頭就暫時搵唔到更多線索，但單睇呢條預告片都夠曬熱血，大家有興趣記得密切留意。