講起俗稱「老人痴呆」嘅「失智症」，大家可能以為係老人家先有嘅問題，但日本綜藝節目《教えて！ニュースライブ 正義のミカタ》早前就探討日本失智症問題，仲話日本18-64歲嘅年輕及成年人中，有近3,5000人都患上失智症，證明「失智症」並非老人「專利」，而且仲提出五個「失智症」初期徵兆，結果引起網民熱烈討論。

節中目引述日本精神科醫師和田秀樹提出嘅五個「失智症早期病徵」，當中包括「唔起得銀包、鎖匙等放咗去邊」、「唔記得5分鐘前聽到嘅嘢」、「搞唔清楚今日嘅日期」、「記唔起人嘅名同樣」以及「對方向或時間感覺衰退，例如瞓完晏覺起身以為係朝早」等，仲話如果五個入面中兩個，你就好可能係有初期失智症嘅問題。

こんなの余裕で全部当てはまる。 pic.twitter.com/XIMDduJliG

— 大鉄人ワンエイト (@devilman2nd) July 10, 2021

但大家睇完都知，以上五個情況對於任何人黎講都係非常常見，唔好講中兩個，中哂五個都唔係咩奇事，所以日本網民就紛紛於網上討論自己嘅經歷，例如有人話自己踩單車去超級市場買嘢，買完冇拎返部車行咗返屋企；又有人話自己試過星期六以為要返學而紮醒。仲有人話根據呢個標準，全日本一億人都有失智症。

唔知大家又中幾多個呢？