近年政治正確成風，無論處於邊個行業都需要份外留意遣詞用字，特別係與膚色、種族等有關嘅字眼，一旦用錯更可能會惹來爭議甚至封殺。日本AV情報網站「AV速報」日前就提出幾個目前業界常用，但假若考慮政治正確就必須改動嘅用詞。

「AV速報」提到嘅三個可能會消失嘅用字分別為「黑人」、「美白」以及「ハーフ (即英文Half，指混血兒)」，三個都係與人物嘅膚色種族有關。其中「黑人」於AV業界最常出現嘅語境，當然係借代佢哋嘅「天生異稟」，但正如美國文化中「Black people」都逐漸被「African American」取代，「黑人」呢個字亦有可能被捨棄，屆時大概就會直接用「巨根」，或者以封面圖直接表示作品嘅賣點。

而「美白」就係針對女優們嘅膚色，文章指「美白」二字有「白就係好」嘅含義，亦即係暗指「黑皮膚就係唔好」，所以為咗避免呢種標籤，就可能會用「陶器肌」黎取代，反正就避免使用顏色，又避開直接話畀大家知咩係靚、咩係唔靚。

最後一個「ハーフ (Half)」於AV中未算常見，但有時如果女優有混血血統亦會用黎做賣點。而呢個字嘅問題就在於「Half」有「唔完全」嘅含義，好似話緊混血嘅人唔係正常人咁，目前亦已經開始有用「ダブル (Double)」或「ミックス (Mix)」等字代替，當然亦有人話呢啲字都唔好啦。

雖然目前未見到日本AV業界有大規模修改用詞，但於政治正確成風之下，改變可能黎得相當突然而快速，假如將來大家發現AV作品嘅用字改變，就會知道背後嘅原因啦。

資料來源：AV速報