我諗大家平時有睇電影或動畫，都見識過啲女角色因為上圍豐滿而逼爆恤衫，一挺胸連心口個幾粒鈕都飛埋出嚟，之但係拍戲還拍戲，究竟現實係咪咁易發生呢？最近有幾位寫真女星，就秉持住科學家求真精神做咗場實驗，結果發現想爆鈕都唔係咁易㗎葉師傅！

由青山光 (青山ひかる) 、橋本梨菜、河路由希子、清瀬汐希、犬童美乃梨5位寫真女星組成嘅團體「Sherbet」，日前喺官方YouTube出咗條片，同大家實測一下胸大究竟係咪好易逼爆衫鈕。根據官方數據，除咗C Cup嘅河路由希子，其餘幾位都係G Cup或以上，當中青山光更係驚人嘅I Cup，就算考慮埋日本內衣尺碼「偏大」呢個因素，我諗將佢哋定義為胸大女士應該都冇人反對啩？

之但係呢，從實測片可以見到，幾位胸大女星著上純白恤衫試完又試，無論用唔用手扯緊衫尾，出盡力挺胸都逼唔爆粒鈕，原來電影情節並唔係咁容易發生㗎！但都唔排除件衫嘅布料比較有彈性，又或者粒鈕縫得比較實，所以佢哋先逼唔爆。