任何一個男小學雞、乃至中學牛，都一定曾經同同學爭論過邊個JJ大啲，然後又會衍生出各種唔使除褲就可以比大小、疑幻疑真嘅「指標」，例如咩無名指長度就等如下體長度、手指圈埋就等如粗度之類。而據一名英國國民保健署 (NHS) 醫生 Dr. Karan Rajan指，原來睇手指又真係準架喎！

Karan醫生引述一份由韓國專家擴寫、2011年發佈於《亞洲男科雜誌 (Asian Journal of Andrology)》嘅報告，指出決定男性下體大小嘅主因，係男嬰於母體內接觸到幾濃嘅睪酮 (Testosterone)，越濃嘅話，男嬰將來嘅下體就更加大。而由於母體睪酮濃度同時決定嬰兒嘅手指長度，所以只需簡單計算「Digit Ration」，亦即「食指長度/無名指長度」，比例越低 (即係無名指越長) 就代表你喺母體內接觸更多睪酮，同時代表你下體越大。

圖片：Wikipedia

特別值得一提嘅係，由於即係母體內接觸睪酮濃度乃係決定將來下體大小嘅關鍵，出咗世之後無論做啲咩都唔會對下體大小有任何影響 (除非你切咗佢啦下)，換言之你下半身過成點，喺你出世嗰一刻就已經決定好……唔知大家睇完呢個研究，係會多媽媽多咗兩分感激定怨懟呢？

資料來源：