就算唔講出口，每個男人對於性方面都係非常自負，由下體嘅大小、做愛時間長短、以至回氣速度都有人拎黎炫耀，但實際上男性做愛時間有幾長？更重要嘅係，女性又覺得男性要有幾耐先算足夠？

圖片：《50 Shades of Grey》

美國泌尿科醫生Dr. Rena Malik就曾經於個人Youtube上分享一啲有趣嘅數據。據佢講，男性們心目中嘅平均理想「IELT」 (intravaginal ejaculation latency time，簡單啲講即係插入到男性高潮時間，唔計前戲) 時間係16分鐘，但同時佢哋認為嘅平均實際時間係9分鐘——即係啲男人都預咗自己做唔到理想時間——但更有趣嘅係搵黎500對情侶，利用秒錶計時嘅性愛時間後發現，真實嘅平均IELT時間其實只有5.7分鐘，即係理想時間嘅1/3左右。

當然，如果睇個別數據，時間長度差距可以非常大。例如有人就話自己嘅IELT時間有成55分鐘，但亦有人非常老實地紀錄出「0.1分鐘」。另外整合數據亦發現土耳其男士嘅平均時間只有4.4分鐘，係整個研究中最低；而最高嘅就係英國男士，有10分鐘。

圖片：《Friends with Benifit》

睇到呢到，相信各位香港男士都會喺心中盤算：「16分鐘，我OK呀，掂啦我」，但好抱歉，因為根據同一個研究，發現對女性黎講，男伴最理想嘅IELT時間係25分鐘！即係就算男性們做到男性覺得最理想嘅時間，對於女性黎講都係遠遠唔夠！當然，個別女性對於男性理想時間嘅要求都唔一樣，但平均黎講，佢哋要求嘅時間，同男性實際做到嘅時間相距20分鐘喎……現實有時真係幾殘酷。