{ SKIP }
文:MenClub 魏文青  
POSTED ON 06 Apr 2022

第一次約會素來都係雙方進一步了解,睇下能唔能夠繼續發展嘅一步,講到尾就係一個雙方互相測試嘅過程,但大家又認為呢種測試應該要去到咩地步?近日一名TikTok網紅分享自己與男生初次約會時必做嘅三個測試,仲話男仔只要有一樣唔合格,佢就絕對唔會同嗰個男仔再見面,大家又點睇呢?

圖片:截圖自@RespectfullyGabby on TikTok

專門於TikTok分享兩性關係建議嘅網紅 @RespectfullyGabby 於上月尾上傳一條名為「First Date Tests」嘅影片,入面就分享咗佢同男仔第一次約會時必做嘅三個測試,去睇下對方「能否供養及保護 (Provide and protect)」,仲話如果個男仔過唔到任何一個,「我就唔L需要佢,你哋都係」。

三個測試嘅第一個,就係第一次約會男仔一定要畀哂錢。「唔好玩嗰啲咩你推我讓,一人一半嗰啲廢話。第一次約會佢一家要畀哂錢,100%。如果佢冇咁做,咁就……拜拜!」

在 Instagram 查看這則貼文

Gabby ????️(@respectfullygabby)分享的貼文

第二個測試佢就舉咗個例,佢話早前佢同個男仔喺邁阿密約會,走嘅時候大家各自Call Uber返歸,而個男仔架車先到。當時男仔就話「我陪你等埋先」,而Gabby就話自己「出於友善」所以同個男仔講「唔使啦」,結果個男仔就真係上車走咗。「凌晨四點喺邁阿密,大家都知冇咩好嘢,仲要啲鋪又收哂,我自己一個女仔喺條街到?唔得!即刻唔得!如果你唔在意我嘅安全,確保我安全上到車,你就玩完啦!做男人就應該要送個女仔上仔或者上Uber,確保佢安全返到屋企,隔一陣再Send個訊息去問多次。」

而第三個Test,Gabby就話如果佢見到個男仔有著外套或者外披恤衫,唔理佢自己覺唔覺得凍,佢都一定會扮凍然後問個男仔拎件衫黎著。「如果你唔畀,你對我黎講同死人冇分別。」

在 Instagram 查看這則貼文

Gabby ????️(@respectfullygabby)分享的貼文

呢條片吸引咗超過15萬TikTok用戶觀看,亦引起激烈討論。有人認為Gabby講嘅其實只係基本男士風度,做唔到嘅男仔的確唔需要考慮,「你講嘅只係最起碼嘅尊重,但呢班渣渣就試圖說服你先係有問題嗰個」。反對者就認為Gabby提出嘅測試係「痴線」,「男人唔需要對每個見面嘅女人都提供供養及保護,你搞錯咗第一次約會同老公或者認真交往嘅男朋友」、「睇黎你係想搵個好傳統嘅男人,咁請問你自己又係咪個好傳統嘅女人?我就好懷疑啦」、「我好亂呀,又係你同個男仔講唔使陪你等,到佢真係走咗你唔滿意?」

唔知大家又點睇呢?

食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024