作為一個成長於電子世代嘅人，大家於成長過程中都一定遇到過唔少電子設備，享受過佢哋帶畀你嘅激情、興奮、快樂 (係，我係講緊遊戲機)，到大個咗想保留呢份回憶，唔少人都儲埋一堆遊戲主機，但擺出黎又啞位又鋪塵，收喺籠底又唔知儲黎做乜——如果你都有面對呢個問題，咁由Grid Studio推出嘅裱框裝飾就好適合你啦！

Grid Studio最著名嘅出品，係佢會拆解iPhone、iPod、Apple Watch等蘋果產品，然後將零件裱框成為掛牆裝飾。而其實佢哋仲有推出同樣造法嘅遊戲機系列。當中任天堂系列最為齊全，有灰機Game Boy、Game Boy Pocket、Game Boy Color、Game Boy Advance、摺機Game Boy Advance SP再到NDL Lite，另外亦有以前好多少年求之不得嘅Game Gear，以及陪大家喺M記屠龍嘅PSP1000及PSP2000。而如果你係熱愛家用機嘅，佢亦有Playstation……個DUALSHOCK 4手掣。

當中絕大部份商品都係大約200美金左右，千零蚊港紙買一份童年回憶，仲要係可以掛出黎型嘅童年回憶，唔算貴呀下嘛？

資料來源：gridstudio