無論係邊個國家、邊個文化嘅男人，都對於下體嘅大小非常著緊，唔單止對外宣稱自己有30cm，夜闌人靜獨自把玩時亦會好奇自己究竟算唔算係合格。而於TikTok上有近200萬Followers、擁有多年面對男性下體經驗嘅美國整容醫生Edward Zimmerman日前就接受《Vice》訪問，分享咗佢對男性下體大小嘅經驗之談。

Dr. Edward Zimmerman於訪問中話自己喺過去呢十年內，見過大、細、長、短、粗、幼、大頭、小頭等各個形狀嘅男性下體，對佢而言所謂「正常大小」嘅範圍可以好闊，3.61寸 (約9.1cm)嘅粗度、非勃起時4寸 (約10.1cm) 嘅長度就已經相當正常。佢話我哋一直都被媒體「教導」，要有6寸粗 (約15.2cm)、6至8寸長 (約15.2-20cm)先得，但呢個觀念係錯嘅。

不過佢亦提到，到目前佢見過最大嘅下體，粗度有8.5寸，即係約22cm。我去度過，一罐可樂嘅粗度係21cm。

佢亦指出，如果將外物放進陰莖內以達到增大效果，嗰件「外物」嘅價格係貴過同重量嘅金塊，所以一個增大手術大概要5,000至10,000美金不等。但佢同時亦指出，按整個器官而言，男性嘅陰莖其實係由軀幹內延伸至軀幹外，換言之有好一部份都係藏於體內，而又由於現代人體重上升，於下腹累積嘅脂肪就會遮掩陰莖根部，令佢睇落較短。所以只要減走 (或抽脂) 下腹脂肪，就已經能令某啲人嘅陰莖有1至1.5寸嘅視覺增長，再做些手腳令粗度增加，就已經能夠滿足大部男士對於自己下體嘅 (外觀) 期望。

資料來源：Vice、Daily Star