上星期我就同大家介紹過來自香港、唔知為乜而設立嘅換衫YouTube「DTail」，就睇下嗰篇文個反應，就知大家有幾咁鍾意睇人換衫。而近日我又發現另一個換衫YouTube，不過今次就有好明顯嘅目的，亦都可以睇清楚Model們個樣啦！

講緊嘅就係呢個名叫「글램디브 (音譯Glam Divv)」嘅YouTube頻道。一睇個名你就知佢係來自韓國，實際上呢個頻道背後就係一間名為「Divv」嘅女裝網店，而「글램디브」上發佈嘅，應該就係展示佢哋賣啲衫會著到啲女仔幾咁好睇嘅「示範影片」，內容亦相當簡單，就係一個身穿內衣嘅女模特兒，於鏡頭前著衫，再除衫，然後又換另一套衫。不過一切都停留於「家長指引」嘅尺度，絕對唔會有任何需要打格仔嘅畫面出現。

雖然啲片嘅內容非常簡單，但個畫面就一啲都唔簡陋，先唔好講入面啲模特兒個個嘅身材樣貌都在水準以上，而且仲會搭配唔同嘅內衣、絲襪，個拍攝場景仲有佈置過，淨係有4K畫質呢下，等大家能夠用大Mon、超高清睇人換衫呢下都已經值回票價啦！而且睇得多你仲會開始諗啲好深層次嘅文化問題：點解香港冇女仔咁著嘅呢？點解韓國啲衫咁靚嘅呢？原來啲女仔衫係咁難著架？如果我有機會要除呢款衫應該由邊到入手？你睇幾有教育意義！

資料來源：글램디브 on YouTube