揸飛機可能唔算一樣非常危險嘅事，但係玩Red Bull嘅花式飛機就完全係另外一回事。黎緊兩位Red Bull Air Force嘅飛行員就將會進行一樣比玩花式飛機更危險嘅事，就係喺空中進行交換飛機駕駛嘅驚世創舉。

喺香港時間4月25號朝早7點，兩位飛行員將會分別駕駛Cessna 182飛機至14000尺嘅高飛，然後同時熄掉引擎，將飛機保持喺時速225公里嘅受控下降速度下同步俯衝，並雙雙離開駕駛艙跳傘進入彼此嘅飛機，然後重新掌控無人駕駛嘅飛機。

呢個空中交換飛機駕駛嘅創舉前後只會發生喺1分鐘之內，係飛行史上首次有機師喺一架飛機升空，然後喺另一架飛機著陸，絕對係一個瘋狂嘅想法。

今次進行創舉嘅其中一位機師Aikins現年48歲，係一名非常有名嘅跳傘運動員，生涯已經完成超過21000次跳傘，而你可能仲諗緊究竟幾時跳第一次。同時，佢更曾於2016年喺無降落傘嘅情況下，喺25000尺高空墜下，並成功著陸於30m x 30m嘅網中，創下世界紀錄。

而另一位則係現年43歲嘅Andy，佢喺一個跳傘家庭中長大，其母親喺佢懷胎十月期間便同佢一齊跳左大約 100 次傘。然後，Andy 12 歲時就進行左佢第1次雙人跳傘，累積跳傘次數超過 27,000 次，絕對係一個比一個痴線。

今次空中交換飛機嘅創舉絕對喺多次研究下才決定進行的，並將確保事情會以零瑕疵嘅狀態下完成，當中成員就包括世界著名嘅航空工程師 Paulo Iscold 博士，所以兩位主角都非常放心。

講真聽都覺得痴線，做個兩位都真係危高人膽大啦!