{ SKIP }
文:MenClub 魏文青  
POSTED ON 19 May 2022

或者唔少人都會與另一半定立某啲規矩,例如唔可以成日唔覆訊息、每星期要見幾多次、屋企啲家務邊個做等等。但日前TikTok就有個名為「thefreakshowcircus (怪人馬戲團)」嘅網紅,分享咗佢要求男友必須要在IG上遵守嘅八大規矩,就引來正反雙方網民熱議。

圖片:截圖自 thefreakshowcircus on TikTok

「thefreakshowcircus」於TikTok影片中劈頭就講到明,佢要求每個男朋友都遵守呢八大規矩,而如果大家唔認同,「冇所謂,因為有其他人接受」。而呢八大規矩就分別係「封鎖所有曾經有過浪漫關係嘅人 (thefreakshowcircus:好明顯同你瞓過嘅一定唔得,但如果我發現你仲有Follow某你有拖過佢手嘅八婆,你就玩完)」、「由開始拍拖第一日就唔可以Follow任何新女仔」、「搜尋欄中唔可以有任何女仔名」、「唔可以讚好任何女性嘅相片」、「唔可以回覆任何女性發佈嘅Story」、「『發現』頁面中 (即係下方個放大鏡) 唔可以有多於一個女仔相 (thefreakshowcircus:我知『發現頁』係你睇過啲咩)」、「必須unfollow任何於IG每行發佈多於一張比堅尼相嘅女仔(包括Story)」以及「唔可以撳入任何Link Tree連結」。

「Link Tree」連結通常會集結使用者嘅個人網頁、其他社交媒體等多條連結,由於使用Patreon或OnlyFans等網站嘅網紅通常都會於IG使用Link Tree方便Fans,所以thefreakshowcircus才會有「你想畀錢其他女人?No!」之說。

圖片:截圖自 thefreakshowcircus on TikTok

thefreakshowcircus呢八條規則一出,就引來大批正反雙方嘅網民展開熱議,令影片觀看次數超過300萬。其中支持者都認為佢講得好有道理,又話真係遇到過肯遵守呢啲規矩嘅男人,又話依家已經拍咗好耐拖好恩愛。但亦有人指出,如果處於一段需要呢啲規矩先可以令自己安心嘅關係,咁似乎就唔應該繼續呢段關係」,亦有人指出佢呢啲規矩好容易發展成「虐待及操控 (Abuse and gaslighting)」。另外有人指出如果女仔本身唔跟隨呢啲規矩,就係典型嘅「雙重標準」。亦有人嘲諷佢應該加上第九條規矩,「唔可以離開間屋,因為佢會去見另一個女人」。

資料來源:thefreakshowcircus on TikTok
唔少日本寫真女星都有個屬於自己嘅稱號,以方便Fans去記得佢哋。既然係咁,個稱號自然就應該同個人有返些少關係先得啦係咪?但我今晚要介紹呢位「西野夢菜」,就有一個我睇唔出同佢本人有咩關係嘅稱號睇黎要靠大家一 ...
girls
【深夜】睇唔明個稱號點黎 寫真界灰姑娘「西野夢菜」出寫真集
18 Jul 2025
一個兩個月大嘅BB可以做到啲咩?除咗食、屙、瞓同喊之外,好似都冇可以做到啦下嘛?但今晚要介紹呢位「加藤綾乃」,就由兩個月大開始就已經於日本演藝界出道,到近年更加成為多才多藝嘅寫真女星添! ...
girls
【深夜】2個月大就出道 多才多藝「加藤綾乃」成寫真冠軍
16 Jul 2025