{ SKIP }
文:MenClub 魏文青  
POSTED ON 19 May 2022

或者唔少人都會與另一半定立某啲規矩,例如唔可以成日唔覆訊息、每星期要見幾多次、屋企啲家務邊個做等等。但日前TikTok就有個名為「thefreakshowcircus (怪人馬戲團)」嘅網紅,分享咗佢要求男友必須要在IG上遵守嘅八大規矩,就引來正反雙方網民熱議。

圖片:截圖自 thefreakshowcircus on TikTok

「thefreakshowcircus」於TikTok影片中劈頭就講到明,佢要求每個男朋友都遵守呢八大規矩,而如果大家唔認同,「冇所謂,因為有其他人接受」。而呢八大規矩就分別係「封鎖所有曾經有過浪漫關係嘅人 (thefreakshowcircus:好明顯同你瞓過嘅一定唔得,但如果我發現你仲有Follow某你有拖過佢手嘅八婆,你就玩完)」、「由開始拍拖第一日就唔可以Follow任何新女仔」、「搜尋欄中唔可以有任何女仔名」、「唔可以讚好任何女性嘅相片」、「唔可以回覆任何女性發佈嘅Story」、「『發現』頁面中 (即係下方個放大鏡) 唔可以有多於一個女仔相 (thefreakshowcircus:我知『發現頁』係你睇過啲咩)」、「必須unfollow任何於IG每行發佈多於一張比堅尼相嘅女仔(包括Story)」以及「唔可以撳入任何Link Tree連結」。

「Link Tree」連結通常會集結使用者嘅個人網頁、其他社交媒體等多條連結,由於使用Patreon或OnlyFans等網站嘅網紅通常都會於IG使用Link Tree方便Fans,所以thefreakshowcircus才會有「你想畀錢其他女人?No!」之說。

圖片:截圖自 thefreakshowcircus on TikTok

thefreakshowcircus呢八條規則一出,就引來大批正反雙方嘅網民展開熱議,令影片觀看次數超過300萬。其中支持者都認為佢講得好有道理,又話真係遇到過肯遵守呢啲規矩嘅男人,又話依家已經拍咗好耐拖好恩愛。但亦有人指出,如果處於一段需要呢啲規矩先可以令自己安心嘅關係,咁似乎就唔應該繼續呢段關係」,亦有人指出佢呢啲規矩好容易發展成「虐待及操控 (Abuse and gaslighting)」。另外有人指出如果女仔本身唔跟隨呢啲規矩,就係典型嘅「雙重標準」。亦有人嘲諷佢應該加上第九條規矩,「唔可以離開間屋,因為佢會去見另一個女人」。

資料來源:thefreakshowcircus on TikTok
唔少日本女仔自細嘅願望就係加入演藝界,做偶像又好、模特兒又好、演員又好,反正佢哋就係會想盡辦法留喺業界之中成就自己嘅夢想。但同時亦有人選擇急流勇退,從幕前工作退下來。好似今晚要介紹嘅呢位「斉藤優里」咁 ...
girls
【深夜】已成絕唱 已引退的乃木坂46「斉藤優里」
27 Jun 2022
早前我哋同大家報導過日本國會通過「AV新法」,表面上係為咗保障演出者,實際上就係令整個合法AV業界大受影響、暑假拍攝全停、女優完全停工。日前著名男優清水健就於Twitter發表對「AV新法」嘅睇法,指新法通過後簽 ...
thezone
【AV新法】清水健發文批評:「簽約時間仲長過拍攝時間」
27 Jun 2022