{ SKIP }
文:MenClub 魏文青  
POSTED ON 17 Aug 2022

近年大眾對於「自慰」呢個話題嘅接受度高咗好多,其中一個原因係唔少性學家、研究都指明,自慰其實係有助保持身心健康,亦會令伴侶之間嘅性愛更為滿足。不過近日一個挪威研究就證實,其實男女嘅自慰模式有非常大嘅差別。簡單黎講,就係如果男性做愛次數越多、越滿足,佢哋嘅自慰次數就會減少;但女性做愛次數越多越滿足,反而會自慰得更加多。

來自挪威奧斯陸大學嘅博士研究生Nantje Fischer,日前公佈咗一個關於男女自慰模式嘅研究結果。研究中佢搵黎4,160名年齡介乎18-89歲嘅挪威成年男女,紀錄佢哋過去一段時間內嘅自慰次數、性愛滿足度等性相關資訊。首先佢哋就發現有66%女性及84%男性都表示,過去一個月內曾經自慰過,男性平均每週自慰2、3次,而女性就平均每個月2、3次,證明不論男女,自慰都係一個非常平常嘅行為。

隨後佢哋按「自慰頻率高低」以及「性滿足度高低」將所有受訪者分成四類:「自慰頻率及性滿足度都高」、「自慰頻率高、性滿足度又低」、「自慰頻率低、性滿足度高」以及「自慰頻率及性滿足度都低」。

結果發現,如果一個女性嘅做愛次數較多、同時有比較多變嘅性行為 (換下地方、方式都計),佢哋就更容易被分成「自慰頻率及性滿足度都高」嘅組別。Nantje Fischer指,咁係代表女性視自慰為「補充性行為」,「女性自慰得多會令性愛更為滿足,同時呢個方法亦會於對性更開放嘅群組之間流傳」;但另一邊廂男性嘅情況就啱啱相反,性滿足度嘅高男性中,「做愛次數」及「自慰次數」係成反比,Nantje Fischer指咁係因為男性視兩者為「替換品」,係因為做愛唔夠多所以先自慰,做愛次數夠自慰次數就自然少。

換言之,喺一段男女性滿足度都高嘅關係中,應該係做愛次數夠多、女性自慰次數都多,但男性自慰次數較少——咁睇黎,應該大部份香港人嘅性滿足度都係低嘅?

資料來源:A Seemingly Paradoxical Relationship Between Masturbation Frequency and Sexual Satisfaction

大家有Follow下啲香港IG靚女,都知依家係人都會Post下泳衣照、性感照呃Like,你或者會想像,喺寫真風氣更盛行嘅日本,女藝人喺社交媒體出下性感相係平常嘅事,但對於今晚要介紹嘅呢位「森みはる」就唔係啦!因為大家 ...
girls
【深夜】甜美偶像再嘗性感!「森みはる」將推第二本寫真!
29 Sep 2022
「L樣」呢個字,大多數時間都係用黎形象啲衰格嘅人,但你又有冇諗過,原來女性真係會憑你「條L個樣」黎評定你嘅人格?近期公佈嘅一個美國研究就顯示,原來女性會將包括形狀、粗幼、長度、甚至毛髮多寡嘅不同「L樣」 ...
thezone
【兩性】研究指女性會憑「L樣」判斷男性人格
29 Sep 2022