「口交」乃係非常常見嘅性行為之一，不過有別於為男性口交時可以有「唔環保」嘅方法避免直接接觸，令大家都得到保護，市面上幾乎冇任何保護產品可以用於為女性口交嘅時候。不過美國近排就出現咗一條「口交內褲」，為雙方提供多一種保障。

Lorals推出嘅呢條「口交內褲」，其實就係一條用上超薄乳膠製作嘅一次性女性內褲。由於乳膠防水，所以就能夠避免雙方有直接體液接觸，同時超薄材質又能保留觸感，內褲設計仲能有效避免移位，所以你可以將其理解成一個包住整個下半身嘅超薄安全套。Lorals嘅口交內褲仲得到美國食品藥品監督管理局認證，有效防止性病傳播。

Lorals目前僅限美國本土銷售，25美金一共有四條，而且有平腳及比堅尼兩個款式，條褲本身仲要有雲尼拿味增加情趣。好唔好用我就冇機會試完話畀大家知，但我想像到著住佢應該會幾焗？

資料來源：Lorals