{ SKIP }
文:MenClub 魏文青  
POSTED ON 29 Sep 2022

「L樣」呢個字,大多數時間都係用黎形象啲衰格嘅人,但你又有冇諗過,原來女性真係會憑你「條L個樣」黎評定你嘅人格?近期公佈嘅一個美國研究就顯示,原來女性會將包括形狀、粗幼、長度、甚至毛髮多寡嘅不同「L樣」,與不同人格特質作出聯繫,換言之佢望一望你「條L個樣」,佢就會對你整個人產生評價。

圖片:Unsplash

卻說來自美國New Mexico Highliand大學嘅心理學助理教授Thomas Brooks,有日留意到一個有用交友App嘅同事,同大家討論緊佢收到嘅男性下體照,「同呢條L個主人拍拖會點點點」、「呢條一睇就知唔係好人」之類。由於好奇係咪所有女性能夠單憑一張下體照,而對該名男士嘅人格作出評價,於是Thomas Brooks就上網搵咗24張形態、大小各異嘅下體照,再搵咗絕大多數係女性嘅106位大學生,要求佢哋睇完啲下體照後,回答如「呢條係形狀非常典型/正常嘅下體」、「呢條係吸引嘅下體」、「呢個人外向、熱情」、「呢個人緊張、容易傷心」等11條問題。

圖片:Unsplash

整理完之後,就發現女性的確會認為不同下體係代表緊不同性格特質。例如「典型下體」就與「吸引度」有正面關係,而且女性會覺得擁有「典型下體」嘅男性於床上表現良好、更盡責、更親和而且對於新事物更開放;另一邊廂,如果下體相對較幼,或者較短,女性就會認為該名男性較為「神經質」。簡單啲黎講就係下體越粗、越長,女性就會認為你嘅性格越好。另外值得一提嘅係,女性會將「冇修剪過嘅下體毛髮」以及「一根不剩嘅下體毛髮」同樣與負面性格特質作關連,換言之最好嘅下體毛髮應該係「有修過,但又唔好冇哂」。

資料來源:Personality and Sexual Perceptions of Penises: Digital Impression Formation

有時「幸福」呢家嘢,真係靠對比出黎。所以如果你覺得自己嘅人生好悲慘嘅話,睇下今晚呢位日本Cosplayer嘅悲慘故事,或者會令你好過啲;如果你本身就屬於幸福嘅一群,咁睇到個靚女心情都一定更好啦係咪? ...
girls
【深夜】超悲慘人生 Cosplayer「ミンミコ」從《DQ》中獲得力量
12 Sep 2025
試想像下,如果你係一個年輕女性,遇上一個男性嘅「鹹濕目光」,你會有咩反應?你可能會覺得不安,甚至會開始遮住自己嘅身體以尋求安全感。不過一個中國最新研究就發現,中國女性於感到不安之餘,卻可能仍然會繼續物 ...
thezone
【兩性】研究指中國女性面對「鹹濕目光」雖會不安 但若對方有錢或靚仔仍會物化自己
12 Sep 2025