{ SKIP }
文:MenClub 魏文青  
POSTED ON 02 Feb 2023

性教育對於青少年身心發現都係相當重要嘅一環,但大家都做過青少年,都知道不論家長定學校,大家對於「性」呢個話題嘅態度都係相當保守,最後大家嘅性知識來源,唔係當年《Yes!》入面個Ms.Sex,就係大家辛辛苦苦搵返黎嘅「網上資源」。你以為呢個情況只係相對保守嘅華人社會先會有?原來有近8成美國青少年,都係從AV中學習性知識。

圖片:pakutaso

美國非牟利倡議組織「Common Sense」早前公佈咗2022年度嘅「青少年與成人影片」研究,入面搵黎近1,400名年齡介乎13至17歲嘅美國青少年 (48%男、46%女、6%非二元性別)作為調查對象,結果發現有73%青少年都曾經「主動或被動地」接觸過成人內容。其中更有79%青少年表示,AV教識佢哋點樣做愛,同時有超過7成青少年表示睇AV令佢哋「知道自己鍾意咩類型嘅人」、「對邊類型性行為有興趣」、「咩性行為會令我感到愉悅/不快」、「咩性行為會令對方感到愉悅/不快」,簡單而言就係AV對於青少年嘅性價值觀有重要,而且好可能係深遠嘅影響。

圖片:截圖自2022 Teens and Pornography

圖片:pakutaso

值得一提嘅係,由於Common Sense本身嘅價值觀傾向保守,所以佢哋特別關心AV對青少年嘅不良影響。調查發現,有睇過AV嘅青少年當中,有超過一半都曾經接觸過包含「強暴、勒頸或令人感到痛楚」內容嘅AV,其中會主動搵AV黎睇嘅青少年當中,更有8成人有接觸過相關內容。團體就表示,長久下去或會影響青少年們嘅性價值觀。

不過,調查同時亦證實青少年們其實唔傻。因為雖然佢哋認為AV「教佢哋做愛」,但同時只有45%認為「AV能夠提供有用嘅性知識」,認為AV「準確地描繪性愛」嘅人更只有27%,換言之大部份青少年都知道AV同現實有一定差距。

資料來源:2022 Teens and Pornography

日本係唔少人去旅行嘅首選之地,近日甚至有報導指日本上半年嘅旅客數字急增21%,全年有望達4000萬人次成為全球第一。但相信經歷過當年一街都係水貨客嘅香港人,應該深知所謂「觀光公害」有幾咁影響民生。近日有日本 ...
thezone
【日本】《Slam Dunk》聖地成觀光公害重災區 遍地垃圾、大小便 居民被逼搬家
18 Sep 2025
《射雕英雄傳》中,自從郭靖學識降龍十八掌之後,無論面對任何花招佢都係一掌推埋去搞掂,說明只要擁有絕對實力,就唔需要啲咩奇技淫巧,亦即所謂「一力降十會」。點解我要喺深夜系列同你講武俠小說?因為我喺今晚要 ...
girls
【深夜】一力降十會 100cm「白川のぞみ」實力深厚
17 Sep 2025