近年日本湧現唔少「全裸OO」系嘅影片創作者，簡而言之就係片中嘅女仔會以全裸 (但唔露點)，又或者極性感嘅服裝出鏡，咁無論佢喺條片入面實際做啲咩，條片都一定會好多人睇。久而久之，日本YouTube就有一個「全裸就係流量密碼」嘅迷思。不過近日有網民就發現，全裸其實唔係萬能，有個日本女YouTuber就面對緊呢個殘酷現實。

【悲報】女性YouTuber「ギターの練習します✨」
↓
「なかなか動画が延びない…」
↓
「そうだ！全裸でギターを弾けば…」
↓ pic.twitter.com/NEd3XviWXS

— 滝沢ガレソ???? (@takigare3) February 7, 2023

卻說專門報導日本網上熱話嘅Twitter用戶「滝沢ガレソ (@takigare3)」，日前就發佈咗一個關於日本結他YouTube頻道「おぐりんちょんねる」帖文。文中可見，「おぐりんちょんねる」早期嘅內容，其實就係每日一條佢對住鏡頭彈結他、長一分鐘左右嘅短片，而且每條都只係得幾百次觀看。但於去年九月，佢就突然全裸上陣，到後來連條片嘅封面圖都大大隻字寫住「全裸結他」。雖然話個結他基本上都遮哂整個上半身，但既然全裸就係流量密碼，佢啲片應該有爆發性增長啦係咪？可惜嘅係，即使全裸上陣，佢啲片依然維持幾百次觀看，睇黎全裸上陣並無為其帶黎任何宣傳效果。

突然ですが…YouTube始め…ました…(*/ω＼*)ギター初心者の軌跡です????‍????ぜひ見てください！うぉらーここからうまくなるー！そして編集もうまくなるー！明日は２１時から生配信の予定です。チャンネル登録お願いします????‍♀️
#YouTube
#おぐりんちょんねる
#弾こうとしてみましたhttps://t.co/pjQN2EGcPW pic.twitter.com/jnuKS1KSVw

— おぐりんちょ (@oguriyuka) March 3, 2022

而「滝沢ガレソ (@takigare3)」就係睇到佢咁有誠意但效果奇差，所以先將佢當係趣聞咁分享畀網友。不過亦因為咁，近日唔少網民都慕名前往「おぐりんちょんねる」欣賞佢嘅影片，唔少人都留言表示，雖然佢外貌真係唔算好、結他以至歌唱實力亦相當麻麻，但堅持一日一片仲全裸上陣嘅毅力令人敬佩。到撰文之時，佢第一條全裸結他片已經有超過8000次觀看，而去年9月26日演唱TM NETWORK嘅《Get Wild》，以及「滝沢ガレソ (@takigare3)」發文當日上傳嘅片亦分別有4.8萬及1.6萬人觀看。睇黎「全裸」最終都係為佢帶來流量。