毒男們 (講緊真毒，偽毒可恥！) 唔太講究個人衛生，其實都已經係大眾共識，但日本近期就先後出現兩單關於「毒男太臭」嘅新聞，擺埋一齊睇，就令人非常好奇究竟日本啲毒男係臭到咩地步呢？

当店、大量の????を置いて対策しておりますが、それでも今までクレームが多数ございました。

残念ながら声をかけさせて頂いた方は、画像の防臭グッズを浴びてもらうか退店して頂きます。

画像のファブリーズは無料ですが
香水に関しては1PUSH
ckは20円
ラブパスポートは10円かかります。 pic.twitter.com/QxJfbmnoj1

— カードショップ トレカバース 秋葉原 ワンピースカード ポケモンカード 遊戯王 ソート不要で買取◎ (@toreka_birth) March 25, 2023

卻說近日位於秋葉原嘅卡牌店「Toreka Birth」於Twitter發出「重要通告」，表示近日店內開設嘅10Yen專區非常受歡迎，但同時亦吸引到好多「缺乏清潔意識」嘅人到訪，搞到間鋪非常臭，就算點滿香薰蠟燭都搞唔掂。所以，店舖指未來店員會主觀地判斷客人們是否太臭，而如果係嘅話，客人一係噴消臭劑 (免費)，一係就噴店舖準備嘅香水 (CK的話20Yen一下)，否則就唔畀入內。

帖文發佈後，就引來日本網民熱烈討論。但個討論主題，就係唔少曾經去過卡牌鋪嘅人，都同意唔知點解卡牌鋪就會聚集一班「臭宅」。有網民表示朋友曾經於卡牌鋪打工，然後發現9成黎參加比賽嘅人都係臭嘅；亦有人曾經因為另一名客人太臭，忍唔住問佢有冇沖涼，結果對方堂堂正正咁答：「有，一個星期一次」。

注意右下部份嘅沖涼圖案

#高橋李依1stLIVE
前日になってしまったのですが、参加にあたってリサーチしたものをまとめてみました！参考程度にどうぞ！

まずは身のまわり編。
文字ちっちゃくてごめん～！???? pic.twitter.com/b2ziShqDDN

— 高橋李依 (@taka8rie) February 25, 2023

另一單新聞就發生於較早前。卻說曾聲演《Re:從零開始的異世界生活》女主角「愛蜜莉雅」嘅著名聲優「高橋李依」，早前舉行首場單人現場演出，而演出前佢就於Twitter發佈咗親手繪畫嘅「事前準備」，當中包括提大家要帶啲咩，著咩衫呀咁，但其中兩項就係叫啲Fans黎之前要剪指甲同沖涼，似乎就係「明示」唔少Fans唔太注重個人衛生，結果又引起熱議。