上月15日香港演員素海霖以「絵麗奈」於日本AV出道，成為香港進軍日本AV界嘅第一人。而事隔一月，其出道作嘅銷售數字亦已經出爐，據台灣AV達人「劍大」引述經理人消息指，成績非常好！相信素海霖將會在日本AV界大展拳腳！

圖片：FALENO

據台灣AV達人「一劍浣春秋 (劍大)」指出，雖然素海霖出道作於FANZA (日本最大AV銷售平台) 嘅3月銷售排行榜只排81，似乎唔太起眼，但由於其片商FALENO STAR仲有其他銷售渠道，所以FANZA嘅數字其實不代表一切。而據佢從日本經理人方面得知，素海霖嘅出道作單計海外銷售就已經賣咗2000隻，而一般黎講一部作品能夠賣到1000隻就已經算係大賣，所以素海霖嘅出道作成績可以話係非常好！

圖片：thisis_shl on IG

同樣據「劍大」早前報導，素海霖當初去日本一次過拍咗兩部作品，換言之目前仲有一部係未出街；而早前素海霖亦曾經再赴日本與片商商討續約事宜，「劍大」再次引述經理人消息指「過程很順利，再拍兩部應該冇問題」，「劍大」更係大膽估計可以再拍六部。換言之，未來素海霖嘅新作仲會陸續有黎！大家期唔期待？興唔興奮？

資料來源：AVNO1