{ SKIP }
文:MenClub 魏文青  
POSTED ON 17 Apr 2023

隨住人口高齡化,唔少家庭都要面對照顧老人嘅難題,部份人就會選擇將長輩送入老人院,或者日間照顧中心,好讓一眾後生可以騰出空檔出去工作。而日本有一間非常新潮嘅長者日間照顧中心,提供「賭場式」嘅服務,我諗就算唔使送,呀老人家自己都主動話要去玩呀!

呢間「賭埸式長者日間照顧中心」,個名就係叫「Las Vegas (拉斯維加斯)」,於日本全國總共有24間分店。其主要賣點就係除咗提供一般長者中心該有嘅服務 (例如肌肉鍛鍊、飲食、沖涼) 之外,中心內仲設有大量賭博類活動,當中包括麻雀 (仲係自動麻雀檯)、柏青哥、老虎機、廿一點及百家樂等。中心嘅網頁中就冇講明長者們係咪要用真錢參加遊戲,但有網民表示長者們似乎係要先參加肌肉鍛鍊等活動,先可以參加其他活動。而中心亦表示,提供遊戲除咗令長者更願意前往照顧中心,亦可以透過遊戲黎訓練佢哋嘅思考、判斷、計算、記憶功能,減低失智可能。

另外照顧中心仲提供黑底金字接送車輛,中心員工亦會著住賭場常見嘅黑色西裝,整體氣氛非常完整。

事實上,「打牌可以防人老人失智」呢說法行之有年,亦有唔少相關研究支持,所以照顧中心能夠提供類似活動,等老人家有更多動腦機會,其實係一個唔錯嘅想法。而專門報導日本熱話嘅Twitter「滝沢ガレソ(@takigare3)」亦曾舉行網上投票,結果發現70萬名網民中有86%都認為呢個想法唔錯,不過亦有人提出,雖然為長者提供娛樂係一個好好嘅想法,但如果長者們係賭真錢嘅話,好可能係「地獄嘅開始」。唔知香港嘅大家又點睇呢?

資料來源:maruhan

唔知真人版會點樣呈現動作特效、而主角下巴又會唔會愈嚟愈尖呢? blockquote class="twitter-tweet"p lang="en" dir="ltr"Solo Leveling, the global phenomenon, is coming to Netflix as a live-action serie ...
hobby
【影視】Netflix宣布推出《我獨自升級》真人版劇集 由韓星邊佑錫擔任主角
11 Jul 2025
如果大家有印象,Switch 2剛開賣嗰陣,我哋曾經報導過美國一間GameStop分店喺交付預購主機時,因為將收據直接釘喺包裝盒正面,結果粒釘穿咗紙盒,導致螢幕受損出現兩個小洞,引起機迷熱烈討論。最近,GameStop就嘗試 ...
hobby
【出色公關?】GameStop拍賣「破洞Switch 2」及涉事釘書機 所得收益將捐贈慈善機構
11 Jul 2025