{ SKIP }
文:MenClub 魏文青  
POSTED ON 18 May 2023

相信唔少男士都會認為女性嘅上圍係「有」好過「冇」、甚或「越大越好」,近年亦可以見到好多女性唔再追求「波平如鏡」嘅時裝模特兒身材,反而更識得展示自己嘅曲線。不過,近日一個澳洲研究就發現,女性嘅上圍越豐滿,佢哋就更傾向「唔滿意」自己嘅身材,而背後嘅原因就係好多男人都感覺唔到嘅「麻煩」。

為咗搵出女性對於自身身材嘅滿足度以及心理健康等嘅關係,來自澳洲Canberra大學運動科系研究員Isoble H. Oon及團隊搵黎345名年齡屆乎18至83歲嘅澳洲女性,先紀錄佢哋提供自己嘅上圍容量 (即罩杯大小)、身高、BMI等數據,再要求受訪者按1至4分回答佢哋對於自己上圍嘅滿意度以及參與運動嘅習慣。

結果發現,年齡及BMI對於上圍滿意度無任何影響,但上圍容量越高,受訪者就更傾向唔滿意自己嘅上圍。而上圍滿意度又同受訪者嘅生活質素以及參與運動嘅習慣成正比。簡而言之就係受訪者認為上圍越豐滿就越影響生活。

Isoble H. Oon表示,豐滿嘅上圍會對女性日常生活造成諸多不便,例如難以搵到適合嘅內衣、搵到又未必著得舒服,同時因為負擔太重會造成肌肉骨骼疼痛,仲要影響活動能力,於是上圍豐滿嘅女性就會避免運動,繼而就影響健康及生活質素。

所以作為男性,如果你嘅另一半擁有豐滿嘅上圍,你開心之餘亦應該體諒佢嘅難處——即係你見到有人拎住重嘢好辛苦,你會點做?你要去幫手拎先得架嘛!

資料來源:Women with larger breasts are less satisfied with their breasts: Implications for quality of life and physical activity participation

人體上最大嘅「性器官」其實唔係生殖器或性徵,而係大家嘅大腦,畢竟所有生理反應其實都係由大腦所控制。換言之比起「自慰時對手做緊啲咩」,「個腦諗緊啲咩」可能先係更重要嘅問題。而根據一個外國研究,有近七成人 ...
thezone
【兩性】近七成人自慰時諗住前度 專家指有合理原因
24 Jun 2025
可能到依家都有唔少人認為,只有其他資質唔夠好、唔夠聰明甚至讀唔成書嘅人特別係女仔先要靠無「技術含量」嘅身材外貌搵食。但其實唔少寫真女星都係名校出身,之所以投身寫真界係因為佢哋真係鍾意。好似今晚要介紹呢 ...
girls
【深夜】高學歷重量級女星 「佐野なぎさ」自言最大賣點不在心口
23 Jun 2025