{ SKIP }
文:MenClub 魏文青  
POSTED ON 24 May 2023

過往我哋都曾導過唔少關於男性下體大小嘅研究,但如果你心水清,或者就會發現唔同研究經常會有矛盾嘅結論,有啲就話大細都無關係,有啲就話女仔偏好更大更粗,咁究竟男人嘅大細有幾重要?又點樣先為止好又或者足夠?有土耳其及比利時學者就做咗個新嘅分析,為大家提供進一步資訊。

首先要注意,呢個新研究唔係「研究男性大小」,而係嘗試從已有、獲得學術認證、但又有不同結論嘅「男性大小研究」中,整理出能夠幫助大家了解自己、伴侶與及雙方性生活滿足度嘅資訊。所以大家唔好預期會見到個一鎚定音「幾多cm就叫好」嘅結論。

而經過分析後,團體認同目前對於男性大小嘅各個研究之間,的確充滿矛盾。例如有份針對大學女生研究,就發現女生認為男伴嘅大小對於引起佢哋嘅性慾冇任何影響。但與此同時,又有另一份報告又表示女性偏好較大、較粗嘅男性,特別係當面對「單次關係」之時。不過研究亦指出所謂嘅「較大較粗」,其實只係比平均值僅大少少,並非大家想像中咁「巨大」。

是次研究亦發現,雖然大量男士都希望自己「越大越好」,但女士們普遍都滿意另一半嘅大細,而一小撮唔滿意嘅女性中,亦係有人想大啲,有人想細啲,並非一味求大。此外,亦有研究顯示性經驗較多嘅女性,會更傾向偏好長啲及粗啲嘅另一半,亦有研究表示對女性而言,粗度比長度更為重要。

好啦,睇咗咁耐,咁究竟大家可以從呢個新研究中學到啲咩呢?首先,就係目前關於男性大小與女性滿足度之間嘅研究都唔夠全面,所以冇辦法對兩者之間嘅關係下一個結論。但從上面嘅整理大家就會發現,似乎只要係「平均大小」,就足以應付大部份情況,所以其實亦唔需要太介懷粗幼長短。

資料來源:The Trouble With “MSM” and “WSW”: Erasure of the Sexual-Minority Person in Public Health Discourse

科技為人類改善生活之餘,通常都會帶來一啲需要時間適應嘅新麻煩。例如AI圖像生成咁,唔少人拎黎整J圖、甚至偷拍圖後,有人認為咁算係一個較為無害嘅渲洩手法,至少唔會真係女仔因而受害;但如果你對「係咪真人」有 ...
girls
【深夜】AI定係真人? 日本IG謎之美少女「ゆあ」
04 Jun 2025
正所謂鹹魚白菜各有所好,喺欣賞美女呢方面,每個人都會有唔同嘅口味,好難有一個靚嘅絕對標準。但今晚要為大家介紹嘅「齋藤恭代」,由出道至今就獲得日本媒體以至網民一致追捧,甚至被冠上「完美Body」、「最高女神 ...
girls
【深夜】九頭身雕像女神 完美Body「斎藤恭代」
02 Jun 2025