「表面斯文、內裏Open」呢句嘢，相信大家都聽過唔少次，亦可能係唔少人對於理想另一半嘅條件。但你又有諗過「斯文」同「Open」呢兩個咁衝突嘅概念，點樣可以喺同一個人身上展現出黎？今晚你就唔使諗啦，因為我要為大家介紹嘅呢位「葉月つばさ」，就可以話係「表面斯文、內裏Open」嘅代言人！

現年24歲嘅「葉月つばさ」出生於日本青森縣，高中畢業後就去咗東京，加入日本連鎖洋食店「つばめ」做文職，但有次去新宿SEGA打機時被星探發現，據知當時星探第一句問嘅係「你有冇興趣做性感女優？」葉月つばさ拒絕後，星探再問「咁寫真女優呢？」結果佢就真係入咗行——明眼人應該都睇得出佢間公司，其實係AV事務所黎，咁亦解釋咗點解葉月つばさ個樣明明超級清純，但出道後嘅寫真尺度非常大，經常都一絲不掛出鏡，仲被日本媒體稱為「日本最危險的24歲」。

不過，自2021年推出第九隻寫真DVD後，佢就宣佈會從寫真界引退，未來雖然會繼續拍攝雜誌寫真或者推出寫真集，但就唔會再出寫真DVD。「DVD引退」後嘅佢亦選擇咗一個頗不尋常嘅職業，就係幫著名H漫雜誌《Comic快樂天》撰寫H漫評論。據知佢非常熱愛男性向H漫，閱讀量之大連雜誌員工都被佢嚇親，果然係「外表斯文、內裏Open」呀下！

IG：2basa_kodama