{ SKIP }
文:MenClub 艾力克  圖:互聯網
POSTED ON 08 Jun 2023

集英社旗下雜誌《週刊Playboy》上月底破天荒推出首位AI生成偶像「五月愛」,甜美臉孔加上索爆身材隨即引起網民熱烈討論,甚至擔心AI日後會搶走一眾真水着女星飯碗。然而,呢位「AI水着新星」寫真集上架唔夠半個月就突然宣布停售,疑似同前早被指外貌抄襲《幪面超人REVICE》反派椛島光(舊名:浅倉唯)有關。

日本青少年雜誌《週刊Playboy》於5月29日公開首位AI生成偶像五月愛(さつきあい),標榜集結男士心中理想型及偏好生成嘅夢幻形象,並同步推出首本個人寫真集《新生(生まれたて。)》,要價499日元。然而,有網民就發現五月愛同《幪面超人REVICE》反派女星椛島光(浅倉唯)樣貌極為相似,認為編輯部有侵權之嫌,而且除咗撞樣之外,五月愛嘅「人物設定」亦同椛島光一模一樣,同樣係身高157cm,鍾意打機,結果引發炎上。

《週刊Playboy》於昨日就貼出公告,表示寫真集推出後收到多意見,經內部審查及檢討後,編輯部認為製作過程中並未充分考慮AI生成嘅各種問題,以及AI產品商品化嘅問題,所以決定自6月7日起停售寫真。另外,亦有網民發現五月愛嘅官方Twitter「@ai_satsuki_ai」已偷偷關閉,睇嚟呢位水着新星已經「被畢業」。

資料來源:livedoorコロコロブログ
日本係唔少人去旅行嘅首選之地,近日甚至有報導指日本上半年嘅旅客數字急增21%,全年有望達4000萬人次成為全球第一。但相信經歷過當年一街都係水貨客嘅香港人,應該深知所謂「觀光公害」有幾咁影響民生。近日有日本 ...
thezone
【日本】《Slam Dunk》聖地成觀光公害重災區 遍地垃圾、大小便 居民被逼搬家
18 Sep 2025
《射雕英雄傳》中,自從郭靖學識降龍十八掌之後,無論面對任何花招佢都係一掌推埋去搞掂,說明只要擁有絕對實力,就唔需要啲咩奇技淫巧,亦即所謂「一力降十會」。點解我要喺深夜系列同你講武俠小說?因為我喺今晚要 ...
girls
【深夜】一力降十會 100cm「白川のぞみ」實力深厚
17 Sep 2025