患有心理、精神健康問題嘅角色，素來都係唔少演員夢寐以求嘅挑戰，不過萬一入戲太深，有時就會影響埋戲外嘅生活。而Tom Holland近日接受訪問時就表示，因為早前出演劇集《The Crowded Room》中嘅Danny Sullivan一角，令佢太大壓力，所以見前打算息影一年好好休息。

圖片：IMDB

由Apple TV+製作嘅迷你劇《The Crowded Room》，改編自著名真人真事傳記式小說《24個比利》，而Tom Holland飾演嘅Danny Sullivan就係沿自書中主角，患有解雜性人格 (人格分裂) 嘅Billy Milligan。Tom Holland接受《extra TV》訪問時表示：「拍攝呢套劇本來就已經好辛苦，我哋要探討一啲我從來都未接觸過嘅情緒。再加上因為我係劇集製作人之一，仲要處理埋片場內嘅日常事務，壓力又提升到另一個層次。」

Tom Holland上月接受《Entertainment Weekly》時亦提到，拍攝《The Crowded Room》嘅中途，佢就發現自己太入戲，連於現實生活中都擺脫唔到角色，「我記得有次我喺屋企崩潰，覺得我要剃光頭，要剃光頭我先可以擺脫個角色。但好明顯，因為當時我哋仲拍緊，所以我冇咁做到…真係唔係啲我曾經經歷過嘅嘢黎。」

回到《extra TV》嘅訪問，Tom Holland表示自己一直已經都好努，「但呢套劇真係擊潰咗我，我試過中途放假、消失，去咗墨西哥某個沙灘放鬆。而依家我就會休息一年，套劇就係有咁辛苦。」

資料來源：Vairety