{ SKIP }
文:MenClub 魏文青  
POSTED ON 25 Sep 2023

「性」於日本係一個頗為矛盾嘅話題,佢哋會有合法嘅風俗區,亦會有國際聞及嘅成人影片業;但對性抱有非常保守、甚至放棄態度嘅亦大有人在。而跟據日本作家、評論家「牛窪恵」日前於《文春Online》上嘅撰文,日本年輕人對性嘅態度亦同樣兩極,兩極到有4成「20代」年輕人有「炮友」關係,但同時有4成30-35歲未婚男女為「零經驗」。

牛窪恵於文中表示,早前佢與團隊搵黎600名「20代」日本男女,並詢問佢哋是否曾與伴侶以外嘅人發生過性關係 (包括一夜情),結果發現有40.2%男性及42.6%女性都表示曾經試過,似乎表示日本年輕人對「性」非常開放。牛窪恵指,目前19-28歲嘅日本「Z世代」身處一個頗為奇特嘅環境,一方面學校透過「不再男女分隊」等改變,向佢哋展示男女平等嘅觀念;但出到社會後卻面對多年來約定俗成嘅「男女定型」(「平時就話男女平等,一拍拖就話要『似返個女人』」),於是部份人就決定脫離傳統嘅男女關係,追求「性自由」。

另一方面,網絡及社交媒體嘅盛行亦令年輕人輕易接觸到大量性資訊,部份年輕人因而對「性」產生嫌惡,又或覺得性愛「很麻煩」。結果就係日本高中生嘅性經驗率由2005嘅28%,減到2017年嘅16%。另一調查亦指出,日本30-34歲未婚者中,有過性經驗嘅男女分佔62.8%及55.6%,換言之男女各有近4成人去到「三字頭」都仲係「青頭」。

換言之,日本一部份年輕人對性越黎越開放,所以性經驗越來越多;另一部份年輕人就或主動、或被動地完全處於「市場」之外。牛窪恵指出呢種兩極化可能會造成兩個後果,第一就係日本嘅性病感染率可能會上升。其原因為嗰班堅持做足安全措施嘅「風險規避者」好可能就係對性較為保守嘅人,而當呢班人主動或被動地離開「市場」之後,就只剩返「唔會做安全措施」嘅「風險承擔者」,以及「對方想用就用,唔想用就唔用」嘅中立者,結果就係不安全性行為嘅增加。

兩極化嘅另一後果,就係結婚率下降。由於結婚雙方在意嘅係所謂「戀愛力」,而「戀愛力」本身就包含性愛經驗,換言之無性經驗嘅人好可能早早就排除在「可結婚對象」之外 (女性:「都成三十幾歲人,仲要我教呀?」)。

牛窪恵指出,或者當大家能夠將「愛情與婚姻」分開,「那未來選擇伴侶時或會更簡單、更有效率」。

資料來源:文春Online via Livedoor News

網絡時代嘅好處之一,就係創作者唔一定要依附於大眾媒體,至要你有足夠人氣或者Fans支持,就可以推出自己嘅作品,甚至「反攻」所謂嘅主流。好似今晚要介紹嘅呢位「月野もも」咁,最近就自資出咗本實體寫真! ...
girls
【深夜】遊戲直播主「月野もも」 自資出寫真
14 Jun 2024
做愛固然能夠帶來快感以及增加與伴侶嘅親密度,但相信所有男士都會認同,做愛其實係一件幾攰嘅事。咁既然又要郁,又會攰,做愛又能唔能代替去做Gym,成為一種「運動」呢?過去外國討論區Reddit上就有大量網民熱議過 ...
thezone
【兩性】網民熱議「做愛能否代替做Gym?」 專家指理論上可以,但…
13 Jun 2024