日本係一個令人嚮往嘅地方，但同日本亦係一個充滿怪人怪事嘅地方。好似日本福岡近期就發生一單令人「黑人問號」，但又莫名地覺得「好日本」嘅新聞——有二十個男人喺光天化日之下、赤裸下身於福岡嘅街道上出沒。

呢單新聞其實相當簡單，日本傳媒報導亦只有寥寥幾句。例如《朝日新聞》就寫道：「福岡縣警方於24日向當地居民發出防犯訊息，提醒市民要留意約20個被目擊露出下身，犯咗公然猥褻罪嘅男人。福岡縣警方表示，有目擊者於23日下午2時左右，於古賀市鹿部目擊到約20名男人集體露出下身，當中大約10人為全裸，另外十人則穿上吊襪帶 (Garter Belt)，目前所有男子都在逃走當中。」

奇行種だ！ pic.twitter.com/fDlmFgleZH

— ‎J̆̈٭ J4Nさん???????? (@jansanpubg) September 24, 2023

雖然目前睇落就唔係啲咩嚴重罪案，但光天化日之下有廿個男人集體露鳥，當中仲有人著住吊襪帶，成件事荒謬得黎仲唔知點解充滿喜感。所以新聞一出，日本網民嘅回覆全部都充滿創意。例如有人高呼「有片之前我都唔會信！」，亦有人好奇「乜福岡依家興咁著衫咩？」、「YouTuber？」、「拍緊AV？」、「10個對10個，係咪咩比賽黎？」最好笑嘅係有人貼出《進擊的巨人》嘅奇行種巨人，亦有人問，「係咪《Terminator》咁從未來黎嘅機械人？」至於呢廿個男人會集體露鳥嘅原因，或者就要等到有人被捕之後先會明暸啦。