如果我同你講，日本有個50歲男子擅闖一名獨居妙齡女子嘅屋企，而且件事係牽涉到「內衣褲」，你大概會好自然認為係個男人入個女仔屋企偷內衣褲，甚至係做出更噁心嘅行為。但近日日本就發生咗件類似嘅事，而個結果唔單止唔太噁心，甚至可以話幾「乾淨」——因為據報個男人竟然幫個女仔洗好哂啲內衣褲，仲好貼心咁晾起埋！

【住居侵入の疑い】女性の部屋に侵入し“女性の下着を洗濯し部屋に干す”、50歳の男を逮捕https://t.co/NgAWmEZUld

女性が帰宅した際、洗濯した覚えのない服や下着が室内に干されていたことから事件が発覚。女性が交番に届け出た後、男が同じアパートの別の住人に連れられ出頭してきたという。 pic.twitter.com/iuqqwENGTI

— ライブドアニュース (@livedoornews) November 1, 2023

據日本傳媒報導，10月30日時日本靜岡縣浜松市有一名28歲女子報案，表示自己出去一日返到屋企後，發現曾經有人擅闖家中，而佢之所以會發現，係因為佢見到一堆佢明明未洗嘅內衣褲，竟然已經被人洗好仲要晾乾緊。而同一日，居住喺同一棟大廈嘅一名50歲男子，就與某位與其同住嘅民眾陪同下向當地警方自首，表示自己就係擅闖民居嘅犯人，並表示事發當時女子並冇鎖好大門，所以先有機會進內。而日本警方目前正調查該名男子嘅作案動機以及事件細節。

示意圖

老實講，入女仔屋企偷內衣褲，於日本就唔算係咩特別新聞；但入到去竟然係幫人洗內衣褲，就可謂相當少見。所以事情曝光後，就引來大量網民猜測男子嘅作案動機。有人認為該名男子係「利用」完女子嘅內衣褲後，怕留下體液等證據所以先順手洗埋；但亦有人推測因為該名女子冇鎖門，所以男子睇到間屋好鬼亂，甚至因為太髒亂而影響鄰居，所以先決心入內幫忙清潔，甚至戲言「得閒黎我屋企幫下手」。唔少人亦將注意力放喺陪同男子自首嘅同住民眾之上，非常好奇佢同男子究竟係咩關係，又點解會知男子曾經進入過女子屋企。

另一邊廂，亦有人認為獨居女子出入一定要記住鎖好門窗，所以女子本身亦要負上一定責任。

資料來源：News Livedoor