情人節仲有唔夠一個月就到，有情人嘅你諗咗去邊慶祝未？無情人嘅你又打算點樣捱過去？如果你未有諗法，咁或者可以考慮下日本TENGA出嘅飛機杯型情人節朱古力，加錢仲可以真係買個TENGA飛機杯，為自己添上些少慰藉。

其實每年情人節前，TENGA都會推出特別產品。而今年推出嘅朱古力就以霓虹燈為主題，所以色彩非常鮮艷。口味方面就有士多啤喱、香蕉及可可三種，朱古力個包裝仿傚TENGA飛機杯，入面再有8粒朱古力。單個賣540Yen（約HK$30），三個一組賣1,620Yen（約HK$87）。

咁既然係TENGA，當然唔會只賣朱古力。所以佢哋仲推出情人節套裝，例如2,000Yen（約HK$107）除咗有哂三隻口味嘅朱古力之外，仲可以再加一個TENGA飛機杯，或者一對TENGA型狀、我好懷疑佢並唔係畀你著喺對腳到嘅襪。如果打算送禮的話仲可以加購精美包裝袋。

而如果你真係好鍾意TENGA嘅話，佢仲有一口氣賣幾十到幾百個嘅TENGA塔套裝，砌起可以有60cm至140cm不等，售價就由16,200Yen（約HK$870）到15萬Yen（約HK$8,000）不等。

資料來源：TENGA