絕大部份男人都有睇AV嘅習慣，同時絕大部份男人都係飛住咁睇——唔係因為我哋冇耐性，而係要睇哂成套，甚至只係睇哂一節，對男性嘅身體要求都實在太高。近日一個研究就發現，男士於床上其實只能「堅持」5分半鐘，遠遠低於男士自己嘅期望。但有醫生解釋，個問題其實唔係出自大家嘅身體，而係個「期望」到。

澳洲男士健康醫療機構「Pilot」早前公佈咗一個調查，指男士嘅平均床上活動時間其實「只有」5分半鐘，但男士期望自己可以堅持到10分鐘以上，換言之男士嘅實際表現只有自己期望嘅一半。

但當地醫生Ben Condon就表示，其實個問題唔係「時間太短」，而係「期望太高」。佢指出成人影片某程度填補咗「性教育」與「現實生活」之間嘅空缺，令大眾對性愛及親密關係產生「不現實及不健康」嘅期望。除咗男性嘅時長之外，另一個例子就係男士會好想嘗試成人影片中出現嘅各種「花式」。Ben Condon醫生提醒男士要分清楚咗「幻想」及「現實」，亦建議要減少觀看成人影片。

反之，佢建議男士要同伴侶好好溝通，了解雙方於親密接觸中嘅真正需要，而非一味冒仿成人影片中嘅情節及效果。同時佢亦指出，如果男士真係想延長自己於床上嘅時間，可以嘗試「擠壓法（Squeeze Method）」或「高潮控制（edging）」，兩者其實都係要求男士於臨近高潮時抽身，不過前者就需要擠壓龜頭直至快感稍為減退，後者就只係停下稍作冷靜。

資料來源：Daily Star