{ SKIP }
文:MenClub 魏文青  
POSTED ON 20 Mar 2024

對於相對保守、而且熱就會開冷氣嘅亞洲地區黎講,大部份通常都唔會選擇裸睡。不過近日英國就有報導指,裸睡其實有「科學實證」嘅大量好處,由提升睡眠質素、增進精子健康、提高伴侶關係,甚至連皮膚質素以及消化能力都有關係!睇完大家又會唔會想試下裸睡呢? 

據英國《鏡報》報導,裸睡嘅好處,主要在於加快身體散熱。由於人類嘅生理時鐘其實係同體溫有關,日頭體溫高啲、夜晚會低啲,而體溫下跌又會反過來提醒大腦進入睡眠狀態,而裸睡就正正會加快身體散熱,唔單止會令你更加容易入眠,仲會更快進入深度睡眠,提升整體睡眠質素。

另外,各位Gentlemen應該都知睪丸係怕熱多過怕凍。一般而言,由於睪丸係「懸掛」於身體之外,所以溫度會比體溫略低,約為34至35度左右。但若果因為穿著過緊嘅內褲令睪丸溫度上升,就會影響精子製造量以及精子活躍度。而裸睡正正就係令胯下更為通爽,令睪丸及精子能夠正常運作,增加男士嘅生產能力。

另外,消化系統其實亦會收到體溫影響。裸睡會增加人體軀幹表面嘅空氣流動,令消化系統唔會「過熱」,從而可能減輕腹漲、消化不良嘅情況。相似嘅邏輯亦適用於身體皮膚之上,不過比起怕熱,報導指皮膚同時亦怕濕氣,裸睡就可以一次過解決兩個問題,減低皮膚痕癢嘅機會。

最後,或者亦係大家諗起「裸睡」時最快諗到嘅好處,就係裸睡可以增加與伴侶之間嘅親密度,不過就唔係單純減少咗「剝衫」呢個步驟咁簡單。報導指肌膚接觸本身就會增加伴侶嘅情感連結以及親密感,繼而提升關係滿足度。雖然以結果而言同樣會增加性滿足度,但就只係提升伴侶關係嘅結果而非原因。

資料來源:Mirror UK

日本係唔少人去旅行嘅首選之地,近日甚至有報導指日本上半年嘅旅客數字急增21%,全年有望達4000萬人次成為全球第一。但相信經歷過當年一街都係水貨客嘅香港人,應該深知所謂「觀光公害」有幾咁影響民生。近日有日本 ...
thezone
【日本】《Slam Dunk》聖地成觀光公害重災區 遍地垃圾、大小便 居民被逼搬家
18 Sep 2025
《射雕英雄傳》中,自從郭靖學識降龍十八掌之後,無論面對任何花招佢都係一掌推埋去搞掂,說明只要擁有絕對實力,就唔需要啲咩奇技淫巧,亦即所謂「一力降十會」。點解我要喺深夜系列同你講武俠小說?因為我喺今晚要 ...
girls
【深夜】一力降十會 100cm「白川のぞみ」實力深厚
17 Sep 2025