{ SKIP }
文:MenClub 魏文青  
POSTED ON 13 May 2024

現代社會多數奉行一夫一妻制,但偶爾都會有萬中選一嘅奇男子,憑住旁人無法理解或複製嘅特質,令多位女性心甘命抵咁跟住佢,而現年36歲嘅日本男子「渡部竜太」就係其中之一。目前過緊一夫四妻生活、IG上有超過1.5萬Fans嘅佢,早前接受日本傳媒訪問,大談自己嘅感情史、妻子之間嘅升降級制度,以及佢嘅最終目標。

左起:渡部竜太、「第一夫人」陽咲、「第二夫人」彩花、「第三夫人」千晴

圖片:渡部竜太(@watanaberyuta_official)• Instagram 相片與影片

「渡部竜太」早前接受《日刊SPA!》訪問,透露自己點樣成為佢自己口中嘅「由老婆養的軟飯男」。佢指自己嘅原生家庭非常普通,爸爸揸的士,媽媽係家庭主婦,所以一夫多妻呢個念頭唔係來自原生家庭,而係來自一次感情失敗。

佢指自己30歲時曾經交過一個未夠18歲、祖母係位「億萬長者」嘅女朋友。雖然對方當時未成年,但佢已經同對方家長打好招呼,甚至已經搬入對方屋企居住,而且對方嘅祖母似乎亦相當鍾意佢,除咗會親自教佢做生意,家族旅行亦會預埋佢,結婚似乎只係時間問題。但突然之間,女友就向佢表示「與年收不足4000萬Yen(約HK$200萬)嘅男人一齊很困難」,向「渡部竜太」提出分手。

「渡部竜太」於YouTube上傳與三位太太及兩名子女嘅生活片段

呢次分手令「渡部竜太」撤底放飛自我,立即下載交友App瘋狂約女,高峰時曾經同時有16個女朋友,後來因為經常搞錯女朋友啲名所以「減少」到12個,當中就有目前嘅第一夫人「陽咲」及第四夫人「千尋」兩位。「渡部竜太」表示,最早佢其實係同「千尋」開始「事實婚姻」,後來「陽咲」先加入。不過體重曾經超過100kg、努力減到70kg左右嘅「千尋」過去幾年多次離家出走(YouTube影片中亦鮮少見佢出現),所以後來先被「降格」成「第四夫人」。

對於兩位夫人共存會否有爭執,「渡部竜太」就表示之前就一直都係三人行,佢亦係見到二人能夠平衡相處先提出三人同居。但即便已享齊人之福,「渡部竜太」都繼續於交友App尋找下一位「夫人」,於是就認識到後來嘅第二夫人「彩花」。「渡部竜太」表示一開始冇向「彩花」透露感情狀況,但到大家感情穩定後佢就不停暗示自己仲有其他女人,直到佢某次準備同「彩花」去沖繩旅行,竟然叫「陽咲」揸車送佢去,兩女首次見面。但由於佢之前打足預防針,所以「彩花」好快就接受現實,仲取消埋自己租約搬去同居。

至於第四夫人,就係佢同「陽咲」、「彩花」去北海道旅行時,心血來潮想要個北海道女友,所以立即用交友App識返黎。

 

「渡部竜太」指自己總共有9個小朋友,當中最大16歲、最小嘅兩個目前由佢哋一家照顧,但佢嘅目標係打破江戶幕府第11代將軍「德川家齊」有53個仔女嘅紀錄,所以佢目前都仲好努力咁搵緊新老婆。「可惜」嘅係,好多女伴(有唔少係外國人)接受唔到一夫多妻嘅生活,仲有人大罵佢係「日本第一渣男」。所以能否達到目標,似乎仲係未知之數。

資料來源:日刊SPA!

一個寫真女星要快速被人記住,最重要嘅唔係咩身材外貌、出位舉動,而係佢首先要有個名,唔係點記啫?不過今晚要介紹呢位寫真新人「鈴原すず」,一出道時就真係一位「無名之輩」唔係「冇名氣」,係真係連名都冇因為佢 ...
girls
【深夜】由「無名新人」到爆紅 鍾意睇波的「鈴原すず」
20 May 2024
遊戲《人中之龍》系列嘅每一部作品中,都包含好多小遊戲,而其中最深得男玩家心嘅,當然就係去搵陪酒孃摸下手仔同酒杯底。而系列最新作《人中之龍7外傳英雄無名》中出現嘅「阿優」,其扮演者「清流 あゆ」於現實生活 ...
girls
【深夜】《人中之龍》陪酒孃「清流 あゆ」 陪酒界一姐進軍寫真!
17 May 2024