{ SKIP }
文:MenClub 魏文青  
POSTED ON 25 Jun 2024

2月時我哋曾經同大家報導過,日本AV女優深田詠美(深田えいみ)因被追稅8000萬Yen而散盡家財一事,當時深田詠美指係被前經理人公司欺騙先會欠稅,更曾於X(Twitter)發文明言「討厭前事務所會長」。事隔數月,呢位前事務所會長「吉田健一」現身接受日本媒體訪問,除咗大談當年如何協助深田詠美入行之外,更指係因應深田詠美要求,先會於帳目上隱藏深田詠美嘅收入,換言之深田詠美後來被追欠稅完全係佢自己嘅問題。

左為吉田健一

圖片:週刊Business

吉田健一早前接受日本《現代Business》雜誌訪問,親自回應「深田詠美欠稅事件」。據佢回憶,佢最早於2015年成立AV女優經理人事務所,而深田詠美就於一年後加入,並以「天海こころ」之外成為公司企劃嘅地下偶像團體成員之一。據吉田健一指,呢個偶像團體本來就係為咗幫未來嘅AV女優刷人氣而存在,而深田詠美活動咗幾個月之後,亦成功AV出道,以每部80萬Yen(現約HK$4萬)嘅出演費拍咗3、4部AV,但之後就乏人問津。唔甘心嘅深田詠美於是自己拎錢出黎整容隆胸,並改以「深田詠美」之名於2018年再出道。

再出道後無耐,深田詠美有大概三年時間(2018至2021)以60萬Yen一部、每月大約拍10部左右嘅速度拍片。後來隨住佢人氣大爆發,亦令佢拎到大型片商嘅專屬合約。當時合約寫明出演費每部70萬Yen,一個月拍12部,換言之一年拍144部AV,合約總值1億Yen(現約HK$490萬)。吉田健一指呢份目約當時於業界係聞所無聞,但拍咗一年(2021至2022)之後深田詠美嘅身體亦頂唔順,於是經理人公司幫佢同片商傾咗一年(2022至2023)新約,以同三上悠亞差唔多嘅每部550萬Yen(現約HK$27萬)出演費,每個月拍一部,即合共6600萬Yen(約HK$320萬)。

吉田健一之所以講得咁詳盡,就係想證明深田詠美過去幾年嘅收入。簡單黎講,2018至2021年三年間,深田詠美淨係拍片嘅月入大約為300萬Yen;2021至2022年間月入大概420萬Yen,而2022至2023年剛為275萬Yen。換言之咁多年黎總收入大約為1.9億Yen,未計廣告、活動、寫真等額外收入。再換言之就係當初深田詠美被指過去7年收入1.5億Yen其實已經係低估咗。

更重要嘅係,吉田健一表示由一開始佢就已經向旗下所有女優表示,佢哋並非公司嘅「社員」,所以公司唔會幫手報稅,要女優自己報,但佢亦會為女優們準備私人帳本。而當初日本國稅局開始調查時,係拎走哂全公司近30名女優嘅入息紀錄,最後就只有深田詠美被追稅,換言之問題並非出自佢公司之中。

另外,深田詠美嘅YouTube雖然一開始係吉田健一嘅公司幫佢設立,但後來深田詠美主動去搵另一間公司合作,亦即飛起經理人公司,而吉田健一指,之前報導話深田詠美被追嘅8000萬稅款,大概就係來自佢嘅YouTube收入。吉田健一表示佢冇再追究YouTube事,但從此之後YouTube相關嘅收入就唔會再由佢公司負責,所以就算有漏報稅都唔會係佢嘅責任。

更重要嘅係,吉田健一向《現代Business》出示咗佢過去同深田詠美嘅Line訊息截圖。當中可見深田詠美(「保坂夢莉亞」係佢本名)主動提出「9、10月都要做假」,希望將某月552.5萬Yen嘅收入寫成100萬Yen。

所以,當深田詠美2月時開名指責佢時,吉田健一表示非常驚訝,佢亦曾聯絡過深田詠美希望對方下架帖文,但對方無理會,於是佢只好聯絡對方嘅新經理人公司Mine's,結果發現因為深田詠美多次缺席拍攝(與吉田健一合作時已有呢個習慣),所以深田詠美已經唔係Mine's嘅所屬女優,目前雙方以業務委託嘅方式目作。最終於Mine's幫助下,該帖文先被下架。

吉田健一最後指出,目前深田詠美沒有對錯誤指責佢而作出任何解釋,於是佢認為自己有必要出黎反駁,消除公眾嘅誤解。

資料來源:現代Business

男人,通常都係膚淺嘅。我哋會留意到一位女性,絕大多數情況下都因為佢嘅外貌或者身材;但男人,同時係複雜嘅,因為我哋要愛上甚至仰慕一位女性,好多時都係因為對方嘅才華。咁你話呢個世界有冇一個才貌俱全嘅完美嘅 ...
girls
【深夜】高身長美女作家 文青女神「青戸しの」
17 Jul 2024
中國傳統思想認為「女子無才便是德」,但黎到21世紀呢句嘢已經完全不合時宜,現代女性唔單止要外表亮麗,仲要多才多藝先算係「得」。而按照呢個標準,今晚要同大家介紹嘅呢位「藤渡小百合」就一定係「好得」,事關佢 ...
girls
【深夜】格鬥技 X 看護師 「藤渡小百合」寫真出道!
15 Jul 2024