{ SKIP }
文:MenClub 魏文青  
POSTED ON 04 Jul 2024

早前有報導指出,2023年全日本嘅新婚情侶數目跌破50萬對,亦即自1933年有紀錄以來最低,有媒體稱呢個現象為「婚姻冰河期」。當然,一對情侶結唔結婚,有各自嘅人生計劃、經濟環境、育兒環境、對未來期望等多個因素影響,而近日東京大學社會研究學博士出身、現中央大學文學部教授「山田昌弘」,就於媒體上撰文提出一個新假設,表示日本結婚率低下,係因為「婚前異性交友」已經不再特殊。

山田教授引用日本「出生動向基本調查」自1982年嘅數據,指出1982年時,18至34歲嘅男性獨身者中有36.8%表示自己「沒有交際中的異性」、另外36.8%表示自己「以朋友身份交際中嘅異性」,而「以戀人身份交際中」以及「有婚約」嘅就分別只佔17.1%及4.8%。而女性方面,1982年嘅獨身女性有30.1%表示自己「沒有交際中的異性」、41.8%表示「有以朋友身份交際中嘅異性」,18.2%及5.7%則分別表示自己「以戀人身份交際中」以及「有婚約」。

當中特別要注意嘅係「以朋友身份交際中嘅異性」一項,事關不論男女,呢項數據自1982年起就隨年下跌,到最新嘅2021年數據中就僅剩4.2%男性及6%女性。另一邊廂,表示自己「沒有交際中的異性」嘅男女比率就不停增加,2021年時72.2%男性及64.2%女性都表示自己「沒有交際中的異性」。而山田教授就表示變化重點,在於社會對「以朋友身份交際中嘅異性」定義嘅改變。

圖片:President Online

山田教授指出,以往日本男女分校、工作上亦唔多女性,所以男女分隔非常明顯,即便到1976年佢讀大學時已經有女同學,但大家都會好有默契地男有男玩、女有女玩,最多就係一大班人聚會時有機會同異性傾計。喺呢種情況下,如果有男女熟到可以一齊返學放學、一齊食飯甚至一齊出去玩,即使雙方都未表白、未承認對方就係戀人,都代表佢哋係有「特殊關係」,亦即上面提到嘅「「以朋友身份交際中」。而喺當時,如果有幾個「以朋友身份交際中」嘅人,基本上就同花心冇分別,所以不論男女都會用力投資於單一關係之中。而所有「愛情欲求」,例如傾計、出去玩甚至性關係亦只能於同一個對象身上獲得,所以雙方都會好有動力將對方由「朋友」變成「戀人」再到「配偶」。

但隨住兩性關係平等,年輕人接觸異性嘅機會增加,佢哋可以同時經營多段「異性朋友關係」,「異性朋友」就唔再有以往嘅特殊地位,甚至可以有「食飯嘅異性朋友」、「出去玩嘅異性朋友」及「做愛嘅異性朋友」等「愛情分散投資」嘅行為。從數據上就即係表示與其他人「以朋友身份交際中」嘅人大幅減少,但「沒有交際中的異性」(因為大家都係朋友而已)嘅人就大幅增加。

資料來源:President Online

雖然話睇寫真嘅重點在於女星嘅身體線條,但所謂嘅「線條」從來都不限於「有前有後」嘅葫蘆身型,有人反而係鍾意睇女性嘅肌肉線條。而如果你都係呢類人嘅其中之一的話,咁今晚要介紹嘅呢位「大島璃乃」就應該好啱你口 ...
girls
【深夜】童星出身腹肌美女 Miss Magazine獲獎者「大島璃乃」
30 Jun 2025
細個阿媽點解要教你唔好以貌取人?因為一個人嘅好多特質,其實係唔會靠個樣就可以反映到出黎,甚至佢個樣係隱藏咗佢嘅優點。好似今晚要介紹嘅呢位「土田優空」咁,睇佢個樣可能會以為佢只係一個圓臉妹妹,又點會知道 ...
girls
【深夜】禾稈冚珍珠 日韓混血「土田優空」
27 Jun 2025