現年31歲、於IG上擁有超過13萬Fans嘅著名寫真女星「清水あいり」，日前於X（Twitter）上以親筆信宣佈與結婚。而為咗讓一眾Fans放心，佢仲附上一張「彎腰屹Pat」圖，表示結咗婚之後都會繼續努力工作，「餘生都會繼續屹起屁股」。

ご報告です

これからもずっと
内股前傾姿勢のまま
今までと驚くほど何も変わりません

ファンクラブでは
会員の皆様へ
こちらの文章とは別で
メッセージ書かせていただいております
もしも、これからも応援してくださるという方がいらっしゃいましたら引き続きよろしくお願いいたします pic.twitter.com/dOWRogQv46

— 清水あいり (@airishimizu) July 11, 2024

「清水あいり」昨日於X上傳親筆信，信中單刀直入表示自己近日已經結婚，並特別點出老公係「日本男兒」。佢多謝Fans以及一眾關係者多年黎嘅照顧，話多得佢哋自己先係可以於業內工作咁多年，由衷地多謝佢哋嘅支持。隨即就向Fans們大派定心丸，表示自己「雖然經驟尚淺，但對工作充滿熱情」，而且接下來「屹高屁股嘅姿勢不會改變，頭、頸、膝等全身關節亦會繼續扭動」，會繼續懷住對大家嘅感激之心及初心繼續投入工作。簡單黎講就係即婚就結咗，但寫真就會繼續拍！

不過其實呢封親筆信中，「清水あいり」係講咗個「大話」，就係佢話自己「經驗尚淺」。事實上佢自2007年就以「平山藍里」之名以演員出道，2010年就已經開始拍緊寫真DVD，換言單計寫真資歷都已經14年，陪過N個無知少年渡過N過寂寞夜晚，話佢係日本寫真界大前輩都絕不為過。不過十幾年黎一直活躍，結咗婚都寫包單會繼續工作，相信Fans對佢亦只會有祝福而冇怨氣啦。