唔少日本年輕女生都希望加入偶像界再闖出名堂，但日本偶像市場競爭激烈，有時係成員想尋求更好機會、就會「轉會」到其他團體。好似今晚要介紹嘅呢位「神南りな」咁，本來寂寂無聞嘅佢早前轉會到著名女團「＃ババババンビ」，而且連名同形象都改埋，結果真係殺出一條血路！

現年23歲嘅「神南りな」，最早於2018年以「神南里奈」之名成為沖繩女團「OBP」嘅創團成員出道，不過成團六年都未見有重大突破，於是佢於今年3月改投名氣更大嘅嘅另一女團「＃ババババンビ」，成為我哋曾經介紹過嘅「岸みゆ」、「水湊 みお」、「宇咲」等人嘅師妹。轉會後佢一改以往嘅短髮御姐形象，改以一頭及肩長髮活動，女人味及可愛度急升，甚至連藝名都改成「神南りな」，可見佢重新出發嘅決心。

事實上亦證明佢嘅決定非常正確。轉會後佢受惠於團體較高嘅人氣，除咗團體活動曝光率更高之外，早前仲登上埋《週刊Playboy》拍攝泳裝寫真，順便推出埋電子寫真。相信會吸引到更多男性Fans啦。

IG：kannami_rina