讀過下任何Marketing課程都知，要成功將產品賣出去，就要先搵到產品嘅「獨特賣點 （Unique Selling Point）」，當中最重要嘅係「獨特」呢兩個字。事關「胸大」可以係一個賣點，但放眼整個日本寫真界，好似又唔多獨特。而今晚要介紹嘅呢位「林田百加」，就係我個人覺得賣點最獨特嘅，事關佢賣嘅「高釵」！

現年23歲嘅林田百加自小就希望成為演員，後來參加試鏡時被經理人相中，2020年參加水著攝影會出道。同年推出嘅第一隻寫真DVD中，因為穿上超高釵泳衣，將整對白滑長腿再加大脾罅都露哂出黎嘅大尺度演出，而被日本媒體封為「令和高釵公主（令和のハイレグプリンセス）」。從此就坐穩佢以高露出美腿行走寫真界嘅定位，亦令佢成為各大日本青少年雜誌嘅寫真常客。

幾年過去，佢唔單止越見成熟，跨下個釵亦越開越高——又或換個角度，就係跨下正中遮蓋重要部份塊布越黎越窄，已經成為小於90度嘅銳角——所以近來又有個新名叫「銳角公主（銳角姬）」。而佢8月底推出嘅新寫真，就名為《銳角姬的回歸》，重點繼續放於跨下個釵之上，而且仲特別以B4大小印刷，比一般嘅A4寫真大1.5倍，就係方便大家睇得更加仔細！你睇佢幾懂得Fans嘅心呀真係！

X：moka_hayashida