{ SKIP }
文:MenClub 魏文青  
POSTED ON 11 Sep 2024

日本嘅夜生活——不論「正邪」呀下——都係唔少外國男性非常嚮往嘅當地特色。不過據日本記者「窪田順生」近來撰寫嘅一篇專題報導,日本嘅酒吧、陪酒孃店以至夜店於今年上半來迎來10年最高嘅結業潮,令人懷疑大家熟知嘅日本夜生活文化是否走向低谷,甚至正步向滅亡。而據「窪田順生」嘅分析,背後原因乃係日本文化近年有變所致。

圖片:網上AI生成

「窪田順生」首先引用《東京商工研究》嘅數據,指出今年上半年結業嘅「酒吧、陪酒孃店及夜店」數高達47間,比去年同期增長160%,亦係過去十年以來最高。有人指出結業原因可能係因為物價高企、人工停滯令大眾消費力減少,亦有人認為係企業削減補貼令充商務應酬減少,又或係業界人手短缺所致。

不過「窪田順生」就認為其實係日本文化有所改變。佢引用一位不知名年輕男性,指出現代男性如果想接觸女性,可以用交友App又或近年流行嘅「相席屋」(即店家隨機分配搭檯嘅餐廳),兩者嘅消費都遠低於去傳統夜店。而且就算於陪酒孃店識到人、交換聯絡方式,得到嘅亦只會係營業或者「同伴」(客人請小姐食飯)訊息。如果用公司錢去應酬或者都講得過去,但如果用自己錢嘅話就等如倒錢落海。

圖片:網上AI生成

另一原因則與日本職場文代有關。「窪田順生」指出以往日本夜店係男性「哭了又哭、哭到睡」嘅發洩、尋求慰藉之地。背後原因就係當年日本職場有如軍事化嘅管理模式,令年輕新人倍感壓力而需要一個發洩場所。而夜店嘅環境則「容許」年輕人作出現時睇落非常不合理嘅行為,例如借醉摸女生屁股、叫女性幫忙倒酒、大聲說教、甚至辱罵之類。令佢哋成為夜店主要客群之餘,亦係陪酒小姐們最討厭嘅客人。

但進入現代後,上述嘅「軍事化嘅管理模式」已經被大量取代,年輕人需要發洩嘅機會減少。同時上述夜店常見嘅行為於目前嘅價值觀黎睇亦非常不恰當,「花錢賣女性黎服侍自己」就變得冇咁吸引。亦令酒吧、陪酒孃店以至夜店嘅客人逐漸減少。

圖片:網上AI生成

不過「窪田順生」亦提到,日本唔係冇夜生活,只係夜生活嘅形式有所改變。例如直到數年前都只有疲倦老人會幫襯嘅「小食店(スナック)」,近年就成為年輕人嘅寵兒,大量年輕男女結伴而來。至於「酒吧、陪酒孃店、夜店」就已經成為「來自權力至上的昭和時代的陳腔濫調」。

資料來源:President Online

每年日本各大雜誌舉行嘅寫真選美比賽都吸引超多女仔報名,但最終能夠獲得大家留意嘅好可能只有總冠軍一人,整個過程堪稱「一將功成萬骨枯」。但其實就算唔係冠軍,能夠脫穎而出進入最終名單嘅女仔都有獨特嘅吸引力。 ...
girls
【深夜】3000人中脫穎而出 又圓又軟的「藤本沙羅」
13 Jun 2025
雖然喺唔少麻甩佬眼中,日本嘅寫真偶像同AV女優只係「除多件、除少件」嘅分別,似乎寫真女星一個唔覺意就真係會下海。但其實喺日本,兩者之間有條非常明確嘅分界線,而絕大部份寫真女星就算發展得再差都唔會選擇投身 ...
girls
【深夜】係咪有咩端倪? 與女優共演嘅「徳江かな」
13 Jun 2025