{ SKIP }
文:MenClub 魏文青  
POSTED ON 16 Dec 2024

對於睇慣日本嘢嘅亞洲男性而言,提起歐美AV通常諗到「浮誇嘅演技」、「驚人嘅大小」、「荒謬嘅劇情」等特性,簡單黎講就即係「重口味」。不過據歐美用戶為主嘅著名成人網站Pornhub近日公佈嘅年度數據,原來過去一年歐美正興起一埸「簡單愛」風潮,越黎越多人鍾情於純粹、日常向嘅作品或女優!

Pornhub每年年尾都會公佈過去一年嘅用戶數據,當中最為矚目嘅就係「最多人搜尋的關鍵字」一項。如果單睇今年嘅排行榜,其實可以話係老調重彈,「Hentai」及「MILF」兩大台柱繼續分佔一、二位,當中「Hentai」更係連續四年成為搜尋榜榜首。而榜單上其他關鍵字嘅排名雖然略有變動,但大致上都係熟口熟面嗰批,唯一一個算係「生字」嘅,大概就係菲律賓人嘅非官方自稱「Pinay」,但考慮到以往灣仔酒吧嘅景像,又唔能算係「新發現」。

縱然按總搜尋量計算嘅排行榜睇唔出咩特別,但按個別關鍵字嘅搜增長率,又的確有啲有趣之處。據Pornhub整理,過去一年與「Demure(端莊)」有關嘅關鍵字都有大幅增長,例如「Demure」本身就增長咗133%、而與「Mindful」(貼心的歡愉)」、「Modest(樸素)」、「Tradition(傳統)」、「Simple(簡單)」、「Authentic(真實)」甚至「Ethical Porn(符合道德的AV)」等都有大幅增長。

另一邊廂,一系列與「Wife」有關嘅關鍵字亦有大幅增長,而且並唔係大家意料中嘅「性感人妻」、「大膽人妻」之類,而係「Amateur Wife(素人人妻)」、「Traditional Wife(或Tradwife)」,甚或「Mormon wife(摩門教妻子。教義要求妻子要相夫教子、對丈夫溫柔體貼)」。換言之都係有所謂嘅「Demure」底色存在。

據Pornhub嘅分析。「Demure」與「Mormon」嘅搜尋量之所以上升,固然係同網絡熱話有關——TikTok網紅Jools Lebron於今年創出「Very Demrue, Very Mind」嘅網絡迷因;而Hulu則製作咗一個以摩門教妻子生活為主題嘅真人騷《The Secret Life of A Mormon Wife》——但同一時亦反映出Pornhub用戶似乎正尋找更簡單、真實、貼近生活嘅成情內容。

除此之外,與「同事」、「奧運」、「動畫」、以及另一網絡熱話「Hawk Tuah」相關嘅一系列關鍵字,於過一年嘅搜尋量亦有顯著上升。如果想進一步了解數據,就可以去Pornhub觀看。

資料來源:Pornhub

雖然話睇寫真嘅重點在於女星嘅身體線條,但所謂嘅「線條」從來都不限於「有前有後」嘅葫蘆身型,有人反而係鍾意睇女性嘅肌肉線條。而如果你都係呢類人嘅其中之一的話,咁今晚要介紹嘅呢位「大島璃乃」就應該好啱你口 ...
girls
【深夜】童星出身腹肌美女 Miss Magazine獲獎者「大島璃乃」
30 Jun 2025
細個阿媽點解要教你唔好以貌取人?因為一個人嘅好多特質,其實係唔會靠個樣就可以反映到出黎,甚至佢個樣係隱藏咗佢嘅優點。好似今晚要介紹嘅呢位「土田優空」咁,睇佢個樣可能會以為佢只係一個圓臉妹妹,又點會知道 ...
girls
【深夜】禾稈冚珍珠 日韓混血「土田優空」
27 Jun 2025