睪酮（Testosterone）乃係對人體重要嘅激素之一，除咗會影響人體嘅肌肉及骨骼強度之外，更會影響男性嘅性欲嘅勃起次數，缺少睪酮更有可能影響活力。咁既然睪酮咁重要，有咩方法可以提升體內水平呢？答案之一就係睇今晚介紹嘅呢位日本美女「Noko」，事關佢自稱可以令各位男士「睪酮爆發」！

聽落好似好神奇呀可？點解一個女人可以影響男人嘅內分泌呢？其實最自然地增加睪酮分泌嘅方法，就係進行高強度嘅重訓，而「Noko」就係一名健身教練兼老闆。據佢早前接受《週刊Playboy》訪問提到，佢本來其實係一名普通OL，唔運動之餘仲經常飲酒，後來因為覺得自己太唔健康所以先去做Gym，結果一試愛上，練出大家見到嘅超Fit Body之外，仲轉行做埋教練。後來又因為想為其他女性教練創造一個良好嘅工作環境，所以就開始自己開鋪做埋老闆。

「Noko」開設嘅「Gran Gym」以「男性個人健身室」加「女教練」作為賣點，目前於東京及大阪地區已經有八間分店。「Noko」指出自己其實唔係有心要開咁多間鋪，只係因為自己不停遇上好嘅女教練，所以開下又一間、開下又一間。今次接受《週Play》遨請拍攝寫真，亦係抱住能夠靠自己副Body黎宣傳健身室嘅心態而答應。相信唔少男士睇完啲相，都會想跟佢瘋狂運動呀！

IG：Noko_fit