{ SKIP }
文:MenClub 魏文青  
POSTED ON 21 Jan 2025

一個最新研究發現,曾經為錢出賣身體嘅「性工作者」會更傾向擁有「肌肉上癮(muscle dysmorphia)」嘅症狀,具體而言即係會竭力追求自己練出大肌肉,甚至去到為咗鍛練而影響其他生活嘅程度。研究者指出背後原因,好可能係與同被物化者會傾向物化自己,繼而努力迎合社會理想體型有關。

來自加拿大多倫多大學社會工作學系嘅研究員Kyle T. Ganson及其團隊,早前公佈咗一個有關性工作者與肌肉上癮症狀之間關連嘅研究。研究將「性工作者」定義為「曾收錢進行口交、性交或肛交的人」,再招募912名年齡屆乎18至30歲嘅加拿大年輕人,詢問佢哋曾否進行過性工作,以及有否出現「肌肉上癮」症狀。

結果發展,912名受訪者中有4%(即約36人)屬於「性工作者」,而呢班人明顯更傾向出現「肌肉上癮」嘅症狀,特別係會竭力追求增加自身肌肉密度(即係將肌肉練大舊)以及為咗練肌肉而影響其他日常生活(為咗做Gym而放棄社交或工作機會等)。但要留意嘅係,研究同時發現呢班人並非不滿意自己嘅身材線條,換言之佢哋練大隻似乎唔係為咗「靚」,而係有功能性或心理上嘅推動力。

研究團隊對於上述結果提出幾個可能嘅解釋。首先佢哋推測,「練大隻練到影響生活」好可能係經歷性工作後而對壓力及社會污名化嘅應對措施,簡單黎講即係害怕被批評,所以努力提升自身型像,同時以此為理由逃避「有可能被批評」嘅社交場合。另一種解釋就針對「練大唔練靚」嘅特徵,指出「性工作者」可能係覺得需要保護自己,又或為咗迎合「客戶」喜好而鍛鍊。

Ganson指出,過去有唔少研究都指出,人被物化、特別係性方面嘅物化後,會更傾向物化自己並對自身形象產生不滿,繼而推動佢哋改變自身形象以迎合所謂嘅「社會理想」(例如「瘦」、「白」,又或此研究嘅例子「大隻」)。所以今次嘅研究結果對佢黎講並不出奇。

最後亦提醒大家,「性工作者會練大肌肉」,唔代表「練大肌肉嘅人就係性工作者」㗎下。

資料來源:Involvement in sex work is associated with muscle dysmorphia symptomatology among a sample of Canadian adolescents and young adults

今年一月,日本著名拳擊手「井上尚弥」對上韓國選手「金藝俊」,並成功擊敗對手守住四條金腰帶。但當日台上除咗「井上尚弥」之外,其實仲有一個日本一樣廣受關注,而佢就係當日擔任舉牌女郎、我今晚要為大家介紹嘅「 ...
girls
【深夜】真.戰鬥力驚人 運動世家出身「森脇梨々夏」
06 Jun 2025
科技為人類改善生活之餘,通常都會帶來一啲需要時間適應嘅新麻煩。例如AI圖像生成咁,唔少人拎黎整J圖、甚至偷拍圖後,有人認為咁算係一個較為無害嘅渲洩手法,至少唔會真係女仔因而受害;但如果你對「係咪真人」有 ...
girls
【深夜】AI定係真人? 日本IG謎之美少女「ゆあ」
04 Jun 2025