{ SKIP }
文:MenClub 魏文青  
POSTED ON 22 Jan 2025

雖然於《蠟筆小新》嘅故事中,經常強調爸爸廣志人工低,又要供樓又要養家,日子過得唔算豐裕,但近年唔少Fans都指出,小新屋企唔單止環境清幽、而且仲係兩層高獨立屋,似乎佢哋並無當年大家印象中咁窮。但如果實際上要擁有「小新屋企」需要幾多錢呢?答案係300萬人民幣;點解係人民幣?因為中國有個小新Fans真係起咗間1:1、100%還原嘅「小新之家」。

據外媒報導,一位名為「Shen Yuhao」嘅中國小新Fans,於其家鄉浙江省湖州「Yu Dou Farm」(應該係雲朵農場)中,起咗間100%還原、1:1嘅「小新之家」。據報「Shen Yuhao」讀完大學後回到家鄉接手屋企嘅養羊場,同時做埋影片創作者。後來因為想推動家鄉嘅旅遊業,加上佢本人又好鍾意《蠟筆小新》,於是萌生於家中農場興建1:1小新之家嘅念頭。

為此佢與團體多次前往上海造訪《蠟筆小新》嘅中國版權擁有公司,並得對方支持兼提供大量有關「小新之家」嘅資料,而「Shen Yuhao」就拎住呢啲資料返屋企著手興建。由於「小新之家」始終係從動漫而來,所以當中唔少設計都唔係市面常見嘅款式,而「Shen Yuhao」又非常著重細節,所以成間屋有唔少地方,例如屋頂及傢私等都需要特別訂製,亦令建築成本超出佢一開始嘅300萬人民幣預算。

好在「Shen Yuhao」嘅媽媽唔單止心態上支持個仔,仲於財政上出力,最終先真係起好成間屋。而當地政府亦有作出配合,包括重修前往農場嘅馬路,以及將「小新之家」列入官方旅遊路線之中,希望真係能推動當地旅遊業。

據報「Shen Yuhao」嘅野心不僅於重建「小新之家」,未來佢仲打算興建一間1:1嘅「雙葉幼稚園」,甚至整個春日部市,打造一個《蠟筆小新》主題園區。

資料來源:animehunch

由George R.R. Martin創作嘅《A Song of Ice and Fire》(冰與火之歌)係過去30年中最著名嘅奇幻小說系列之一,其改編而成嘅HBO劇集《Game of Thrones》亦曾一度佔據「神劇」位置。不過其實原著小說自2011年推出第五 ...
hobby
【影視】《Witcher》原作者表示同情G.R.R Martin 指《Game of Thones》劇集係新書拖延原因
02 Jul 2025
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025