自從丹爺早年創辦大麻公司「IGNITE」之後，IG Post嘅相慢慢由「槍、錢、女」變成「大麻、錢、女」，佢個嘅形象亦由當年嘅二世祖花花公子，變成「初創花花公子」。而你又唔好以為「IGNITE」只係得CBD(大麻二酚)產品，更加有自己嘅服裝系列，以及最新推出嘅飲品系列。

嚴格上丹爺推出嘅唔單止係支「IGNITE Vodka」，而係推出咗成個「IGNITE Berverage」系列，當中包括樽裝水、能量飲品「ZRO」，以及於丹爺今個月13號於自家大宅搞嘅「Angels & Devils」派對已經率先見到實物嘅IGNITE Vodka。目前所有飲品都係唔知幾時、邊到開售，亦唔知要幾錢，但根據網上資料，應該就全部都冇任何大麻成份，只係相當純情嘅水、能量飲品同Vodka黎啫！(戴返個頭盔，到真係出而你又想買嘅時候，記住睇清楚咗個成份呀下)。

而以大麻成份產品起家嘅IGNITE，推出同大麻毫無關係嘅服裝同飲品，或者代表丹爺進一步向大眾市場靠攏，希望將自身嘅人氣化為實實在在嘅收入。