臨近中秋，無論你係去親戚屋企做節要送禮，定叫班朋友上黎燒嘢食打邊爐開Party，大概都需要買返一支半支紅酒旁下身。而買紅酒呢家嘢，唔使嘢嘢都係82年嘅Lafite，而係可以豐儉由人！以下就為大家介紹兩個滿足你不同需要嘅買酒地點。

Marks & Spencer

係，冇錯，第一個要講嘅地方就係Marks & Spencer。作為 (可能係) 香港最多人識嘅「外國超級市場」，Marks & Spencer其實都係一個唔錯嘅買酒地點。最近佢哋更加與錯釀製多款得獎酒嘅釀酒師 Belinda Kleinig ，以及擁有超過40年經驗嘅資深釀酒師 Sue Daniels合作，選出「CLASSICS」及「This is」兩個系列方便大家選購，其中「CLASSICS」就集合咗產自法國南部豐嘅 Côtes de Provence rosé、來自意大利嘅Pinot Grigio 白酒，以及來自西班嘅Rioja 紅酒比較多人認識嘅葡萄酒。而「This is」就係最貴都只不過HK$99嘅性價比之選。依家到中秋去門店買4支 (網店12支) 仲有八折！一個字，抵！

M&S 中環旗艦店

中環皇后大道22至28號中匯大廈地庫至一樓 電話: 2921 8323

burgundy etc

如果價錢唔係你買酒嘅主要考量，又或者想尋求更為高級、奢華、貼身嘅體驗，咁由etc wine shop旗下嘅burgundy etc就應該啱哂你。首先店鋪裝修高級簡約，令購買體驗變得非常優雅，店內亦提供超過1000款來自法國Burgundy (勃根地) 多間小酒莊所製嘅精品紅酒，由新手入門、獨立酒莊到頂級限量都有，當中包括Leflaive、Comtes Lafon、Dujac、Clos de Tart 、Georges Roumier和Armand Rousseau等上乘之選。專業品酒師會為大家揀酒之餘，更會講解Burgundy葡萄酒嘅歷史故事，風土人情、葡萄種植和釀酒技術的資訊，加深大家對Burgundy葡萄酒嘅認識。就算你唔鍾意Burgundy葡萄酒，店內都仲有過百款特色香檳、波爾多精選葡萄酒、罕有威士忌及清酒，總有一款啱你啦掛？

burgundy etc

香港中環畢打街中建大廈1樓108號舖 電話：3752 2009 / 2812 2009

香港跑馬地成和道12C地下 電話：2567 2009