對絕大部份人黎講，錄影帶係一種已經被時代淘汰嘅技術，唔好講市面上唔會有得賣，好多二字頭嘅年輕人甚至連錄影帶係咩都唔知。但偏偏喺日本潮流集中地涉谷，就有個地方放咗約6000餅錄影帶，甚至仲提供埋錄影機出租服務，等大家可以租機租帶設去回味當年睇帶嘅時光。

位於涉谷著名十字路口一角嘅「SHIBUYA TSUTAYA」早前宣佈將店內4及5樓改成「日本最大電影博物館」，其中4樓就放咗大約6000餅電影錄影帶，好多更加係冇DVD化嘅舊作，例如當年喺日本大受歡迎、由洪金寶主演嘅《肥龍過江》日文版《燃えよデブゴン》。客人唔單止可以去重溫一下當年行入租帶鋪嘅感覺，更加可以用100Yen一晚嘅價格租餅帶返去睇，如果你屋企連錄影機都冇埋，亦可以用910Yen租埋部錄影機。

VHSが復活したと聞いた渋谷のTSUTAYAに来た pic.twitter.com/fQm293A8ts

— ゆづ (@renten_nf) September 21, 2020

渋谷TSUTAYAに突如爆誕したVHSコーナー。圧がやべぇ。時空が歪んでる。

なんとビデオデッキ本体のレンタルもあるらしくて、そっちの方が気になる。RCA端子なのか、まさかHDMI出力対応してる？？？ pic.twitter.com/wsKvTIIWR7

— 大内ライダー (@Ohuchi_RIDER) September 19, 2020

能夠再見返咁多錄影帶，當然吸引唔少懷舊Fans去參觀，幾日之前就已經有唔少Twitter用家去過參觀。不過呢個錄影帶區好有可能係TSUTAYA收縮經營嘅結果。近年電影租借服務受串流平台挑戰，仲會去租碟嘅人越黎越少，甚至連TSUTAYA自己都有串流平台，結果就係令分店進一步減少。呢6000餅帶好有可能係多間分店結業後，將剩返嘅庫存集中於一處嘅成果。