{ SKIP }
文:MenClub 波特先生  圖:互聯網
POSTED ON 13 Oct 2021

威士忌品牌「忍SHINOBU」,於國際大賽經常獲獎無數,而近日佢地就獲授權同日本著名拳擊漫畫《第一神拳》進行Crossover,推出台灣限定威士忌收藏酒款。

今次「忍SHINOBU」x 《第一神拳》系列,全套一共6款,每款都係《第一神拳》嘅代表人物加上名場景,而每款僅限量999支。第一彈將推出「日本新人王一步」,並於全台灣7-11店限量售賣。

「忍SHINOBU」威士忌以水楢木桶熟成,層次分明同時風味濃厚,近年來其多項酒款均於重要威士忌比賽中獲大獎。而今次第一彈Crossover酒款「忍SHINOBU」調和威士忌,由具20年經驗嘅釀酒師宇佐美健一手打造。

而《第一神拳》則係日本最長壽嘅運動漫畫,從1989年至今已經連載超過131冊單行本,並曾三度改編成動畫播出。故事講述主人公幕之內一步於拳擊世界嘅成長,並在期間與不同角色相遇及互動,創造出一幕幕令人忘不了嘅拳擊格鬥場景。

唔講你可能唔知,於故事入面嘅日本拳王伊達英二嘅角色原型,原來係來自於台灣拳擊手林明佳,所以可想而知《第一神拳》同台灣係有幾大嘅關係。

而繼第一彈「日本新人王一步」之後,跟接住將會推出「日本冠軍挑戰賽-伊達V.S.一步」、「日本羽量級冠軍爭奪戰-一步V.S.千堂」、「東太平洋拳擊聯盟冠軍-宮城」、「WBC超次中量級冠軍爭霸戰-日本之鷹鷹村V.S.世界之鷹Hawk」。

雖然威士忌能夠配搭不同的食物得出不同風味,但如果要數「威士忌配咩食係最Man」,個答案大概就係「食雪茄」。而以推出Winston Churcill系列雪茄而聞名嘅Davidoff of Geneva,早前就推出咗同樣以邱吉爾爵士為靈感, ...
watchesandwine
【佳釀】最佳配搭 Davidoff推邱吉爾系列「Bowmore Private Cask 26 Years」
22 Jul 2022
「青墨」顏色純給人一種然寧靜嘅感覺
watchesandwine
【日系青墨】Casio旗艦級MR-G系列 | 錶圈以25個組件打造防震
26 Jun 2022